Montlat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Montlat
Moleta del Tossal
Situación
Situación Mosqueruela (Teruel)
Villafranca (Castellón)
Latitut
Lonchitut
Vértiz cheodesico
Cheografía
Cordelera Sistema Iberico
Sierra Sierra de las Defesas
Macizo
Altaria 1.655 m
Alpinismo
Primera puyada
Ruta mas fácil Dende La Iglesuela
Mapa

Montlat ye una muela de 1.655 metros d'altaria situada en la sierra de las Defesas y en la muga entre los termins municipals de Mosqueruela (Teruel) y Villafranca (Castellón).

En la vertient norte de Montlat se troba lo mas de Saura de Mosqueruela,[1] en la vertient sud ye la torre de los Giles, y en la versant sudueste y lo puerto de Mosqueruela, que desparte Montlat y l'alto de Molina respecto de Navajuelo y la loma d'Adrián, ya en la sierra de Mayabona.[1] Los mases de la redolada de Montlat en lo termin de Mosqueruela perteneixen a los quartos u partidas de Pinar Plano y de La Estrella, despartius por lo barranco de Molina.[2]

Toponimia

L'oronimo Montlat proviene de lo latín MONTE LATU ("mont amplo") y podría estar d'orichen mozarabe.[3] Ye conoixiu en catalán como tossal del Montllat, tossal dels Montllats, Moleta del Tossal u simplament Els Montllats.

Como punto vistable de la sierra de las Defesas se posó como referencia pa fer mugas de dominios y apareixe en textos medievals escritos en latín, aragonés y catalán.

Se'n fizo mención en 1202 como Mont Lach u Mont Lath en la cesión de lo castiello de Puertomingalbo (en letra gotica la c y la t son muito pareixidas y se distinguen mal):

in frontaria sarracenorum castrum Linares et castrum de Avingalbon, quibus duobus castris hujusmodi dono et asigno terminos. Ex parte scilicet de illa Botorrida habeant pro terminis sicut aque diflunt versus ipsum castrum de Linares, ex altera uero parte sicut ambe Pene serrate includunt et dividunt versus ipsum castrum de Linares, habeant quoque pro terminis illas forcas que dicitur de Mont Lach et de Ribosito in intus usque ad Penam Golosam et de Pena Golosa usque ad Portum de Avingalon et sicut serra dividit et sendit versus Penam Calbam et de Pena Calba sicut aque diflunt versus prefatum castrum de Linares et de Vallelubrego usque ad Motoridam sicut aque diflunt versus item castrum de Linares.

En un texto de 1265 de l'archivo d'aldeyas de la Comunidat de Teruel se'n fa mención como una muga de lo termin de Mosqueruela:

deinde como partimos con Vispe (y viese al cabero de Montlat, y viese Rio Seco, y viere al cabero de Montlat, y cese a la Pena Rubia de fondos de las Casiellas y cese al cabero de las Posadas de Don Atorella, y cese a la Laguna negra de Fortanet y la Ferreruela y al Collado Frido, y como va la senda a la fuent de la Peniella, y como va la carrera al Puerto y torna a la Senda de los Cavalgadores, e toda cosa que vos fazades sea firme y estable a todos tiempos...[4]

Cheolochía

Lo cabalto de Montlat ye formau por dos formacions cenomanianas (Cretacio superior) con capuzamiento de 30º enta lo sudueste. La estratigraficament superior ye de dolomías y la que bi ha estratigraficament de chos ye de calsineras.

Vinclos externos

Referencias

  1. ↑ 1,0 1,1 (es) Ricardo Pitarch García: Estudio de la flora y vegetación de las sierras orientales del Sistema Ibérico: La Palomita, Las Dehesas, El Rayo y Mayabona (Teruel). Editor: Consejo de Protección de la Naturaleza de Aragón, 2002, p 19.
  2. ↑ (es) José Francisco Casabona Sebastián, Eduardo Gargallo Monforte: Mosqueruela: Guía de monumentos, paisajes, fiestas y servicios turísticos, Instituto de Estudios Turolenses, Teruel, 1999. pp 56-57, pp. 69-70.
  3. ↑ (es) Leopoldo Peñarroja Torrejón: El romance nativo del valle del Ebro y de la Frontera Superior de Al-Ándalus. Aragón en la Edad Media, nº XX, 2008.
  4. ↑ (es) Enrique Gargallo Monforte: Mosqueruela en los siglos XIII y XIV. El nacimiento de una villa ganadera. Pecuaria-XXI. Boletín de Información Ganadera, nº 1. 1996, pp. 3-19.

Bibliografía