|
Mantova
 Mantova (Mantova en italiano) ye una ciudat y comuna italiana, capital d'a provincia homonima, en a rechión de Lombardía. Mantova tien una superficie de 63,97 km², una población en 2007 de 47.630 habitants y una densidat de población de 744,56 abs/km². O suyo termin municipal muga con os termins de Bagnolo San Vito, Curtatone, Porto Mantovano, Roncoferraro, San Giorgio di Mantova y Virgilio. HistoriaMantova fació parte d'o territorio d'a Republica Romana, con o nombre en latín de Mantua, en a Galia Cisalpina, ixo ye, en a Galia a lo sud d'os Alpes. Tenió tamién una parte d'a suya población d'orichen etrusco. Ye o posible lugar de naixencia d'o poeta Virchilio, de qui atros afirman ye naixito en Andes, un barrio en o mesmo municipio romano de Mantua. Fue conquiesta por os visigodos (401) y Atila (452), y dimpués estió dominata por os herulos, os ostrogodos (489), l'Imperio Bizantín (552) y os longobardos (603). En o sieglo XIV, a familia Gonzaga tenió o dominio d'a ciudat. En 1433 comproron a l'emperador d'o Sacro Imperio Romano Chermanico o títol de marqueses, fundando asinas o marquesau de Mantua, esdebenito ducau de Mantua en 1530. En 1708, dimpués d'a Guerra de Succesión Espanyola, o ducau de Mantua fue adhibito a os dominios austriacos, dica la suya ocupación por tropas revolucionarias francesas en 1797, durante a campanya d'Italia de Napoleón Bonaparte. Dimpués, dimpués fue integrada en a Republica Cisalpina dica 1802, transformata dimpués en a República d'Italia, y en o Reino Napoleonico d'Italia en 1805. En 1814 fue reconquiesta por o austriacos. En 1859 pasó a mans d'o Reino de Cerdenya y en 1866 fue incorporata pa cutio a lo reino d'Italia. Vinclos externos
|
||||||||||||||||||||||||||||||||||||||||
Portal di Ensiklopedia Dunia
