|
Ilesia de Santa María la Mayor de Rubiuelos de Mora
A ilesia de Santa María la Mayor de Rubiuelos de Mora ye una ilesia gotica situada en a localidat de Rubiuelos de Mora en a comarca de Gúdar-Chabalambre, Aragón. Estió colechiata, por lo que a vegadas ye conoixida como colechiata de Santa María la Mayor de Rubiuelos de Mora. HistoriaL'edificio prencipió a construyir-se en primerías d'o sieglo XVII, estando rematau en l'anyo 1620. O prochecto inicial d'a ilesia ye obra d'o mayestro valenciano Pero del Solar. Prencipioron as obras os mayestros Pero de Letro, Chaime d'Estoda y Pero de Magallón, encara que debiu a bels problemas s'habió de contratar un nuevo prochecto a o francés Chuan de Lacambra, qui morió a metat d'a construcción, continando as obras o suyo disciplo Pero Ambuesa, qui la cubrió en 1617. O estuquista bizcaíno Francisco Miliqueta fació a voveda conchiforme d'o presbiterio, rematando-se o cuerpo d'a ilesia en l'anyo 1620. Pero Ambuesa s'encargó de rematar a torre, que sería presta en 1627. En 1844 i habió un incendio que destruyió o retablo mayor, fendo-se en 1859 un atro en estilo neoclasico y incluyindo un lienzo d'a Coronación, copia de Velázquez. DescripciónSe tracta d'un templo de planta rectangular con d'una sola nau. Incluye una sala capitular d'o sieglo XIX, en a que se reuniba lo capítol d'a colechiata, y un coro de sillerío barroco. A dentrada ye protechida por una reixa, obra de Manuel Baselga, que da paso a un portegau con vueltas de crucería. Tien frontera en dos cuerpos: o primero formau por columnas doricas, y o segundo por capilletas, en que se troba a titular d'o templo y o escudo de Rubiuelos de Mora. Dentro i hai un total de seis capiellas laterals adedicadas a diferents usos y santidaz: a capiella baptismal, con reixada d'o sieglo XIV, a d'a Purisma, a d'o Carmen, a d'o Salvador, d'o Rosario y de Sant Chusé. Cal sinyalar que a capiella d'o Carmen estió una ampliación d'o templo reyalizada en o sieglo XIX. A torre d'a ilesia ye formada por tres cuerpos cuadraus y un cuarto octogonal, a on se troban as campanas (datando una d'ellas de 1476), rematando en una chicota lanterna. Galería d'imachens
Enlaces externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
