|
Ilesia de Sant Andreu de Torres de Berrellén
A ilesia de Sant Andreu ye un templo catolico situau en a localidat aragonesa de Torres de Berrellén (Ribera Alta d'Ebro). En 2002 fue declarada Bien catalogau d'o patrimonio cultural aragonés. Se tracta d'una ilesia gotico-renaixentista construita en o sieglo XVI. L'edificio tien planta rectangular, nau unica, con coro elevau a os piez y cabecera recta, que en alzau pasa a poligonal, cubierto por vueltas de crucería estrelada, sobre trompas en a cabecera y arcos faixons de meyo punto en a nau. A os dos cantos d'a nau s'adosoron cinco capiellas entre os sieglos XVI y XVIII, ubiertas a la nau en arco carpanel y cubiertas por crucería estrelada as d'o canto de l'evanchelio y a d'o Santo Cristo, ubierta a la Capiella Mayor en o costau d'a epistola, ariesta y canyón transversal as atras dos d'o costau d'a epistola. Presenta portico, de traza clasicista, adosau a o muro d'a epistola y dos torres, a os piet, dispuestas a os dos cantos d'a nau; l'antiga torre mudéchar ye de ladriello, se troba esmochada y rematada con un cuerpo almenau mientres que a torre nueva ye d'estilo neomudéchar, de planta cuadrada, dos cuerpos y remate de planta octogonal. L'edificio ha visto considerablement transformada a suya traza debiu a os anyadius y transformacions d'o sieglo XVIII, y mas que mas debiu a las restauracions feitas entre 1969 y 1975 que han mascarau de tot o suyo aspecto orichinal dando-le una nueva torre, un portico y o revestimiento d'a fabrica con ladriello royo que deixa oculto o tapial orichinal.  Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
