|
Heinz Guderian
Heinz Guderian, naixito de Kulm, en a provincia de Prusia Occidental de l'Imperio Alemán (hue Chełmno, en Polonia) o 17 de chunio de 1888 y muerto en Schwangau (districto d'Ostallgäu, Bavera, Alemanya) o 14 de mayo de 1954, estió un militar alemán, que partecipó en a Primera Guerra Mundial y tamién en a Segunda Guerra Mundial, a on plegó dica o ran de Generaloberst en a Wehrmacht d'o Tercer Reich, mandando importants unidaz militars, dende a 2ª División Panzer dica o II Cuerpo d'Exercito Panzer (u II Panzergruppe). Tamién estió en 1944-1945 Chefe d'Estato Mayor de l'Oberkommando des Heeres. Ye considerato uno d'os prencipals representants d'a ideya d'o blitzkrieg en a Wehrmacht, dende a publicación en 1937 d'a suya obra Achtung-Panzer!, encara que as suyas concepcions teoricas yeran muit influitas por as ideyas d'os britanicos J. F. C. Fuller y Basil Liddell Hart, d'o sovietico Mijaíl Tujachevski u mesmo d'un encara desconoixito cheneral francés dito Charles de Gaulle. Encara que no plegó pas dica o ran de mariscal de campo (Generalfeldmarschal) ye considerato uno d'os prencipals militars alemans d'a Segunda Guerra Mundial, coautor con Erich von Manstein d'un plan alternativo ta la invasión de Francia en 1940, en a batalla de Francia. Antiparte, chunto con Manstein, Guderian estió uno d'os pocos militars d'a Wehrmacht en afrontar bellas d'as ideyas estratechicas y tacticas d'Adolf Hitler. Vinclos externos
|
||||||||||||||||||||||||||||||||||||||||||||||||||||||
.svg){kind=small}
.svg){kind=small}
