|
Bavera
 Bavera (en alemán Bayern u , literalment Estau libre de Bavera, en alamanico Freistaat Bayre, en bavaro Freistoot Boarn, en francio d'o Main Freischdood Bayan) ye l'estau mas meridional d'os deciséis Länder d'Alemanya.[2] Con un aria de 70.548 km², ye o estau mas gran por aria, estando un 20% de l'aria total d'Alemanya. Bavera ye o segundo estau mas poblau (dezaga de Renania d'o Norte-Westfalia), con 12,5 millons d'habitants. A capital y ciudat mas gran de Bavera ye a ciudat de Múnich, que ye a mas a tercera ciudat mas gran d'Alemanya. Dito estau muga con Austria, Republica Checa y os estaus alemans de Baden-Wurtemberg, Hesse, Turinchia y Saxonia. Bavera ye un d'os estaus mas antigos que existen en Europa; s'establió como un ducau radiz, o ducau de Bavera en l'anyo 907. En o sieglo XVII, o duque de Bavera se convirtió en prencipe elector d'o Sacro Imperio Romano Chermanico. O Reino de Bavera existió dende 1806 dica 1918, y dende alavez Bavera ha estau un estau libre (republica). A Bavera moderna incluye tamién partis d'as rechions historicas de Franconia, Alto Palatinato y Suabia. ToponimiaEn a Cronica de los Conquiridors, compilación historica de Chuan Ferrández d'Heredia en aragonés s'escribe Bauera: Fechas las conq(u)istas sobredichas el princep karles paso el danubio et occupo los baioarios qui agora se clama(n) uulgarme(n)t los de bauera et subiugo poderosame(n)t los hu(m)pnos qui agora son dichos vngaros / Mas el duch delos baioarios clamado eudon qui auia succedido a theup(er)to vidiendo que no era poderoso ni(n) bastant a poder Resistir a karles clamo en su ayuda la p(er)fida et maluada gent delos moros p(re)gando los que passasen en espanya q(ue) les era vezina et que el con los baioarios les yria tantost en ayuda
Et apres domo por armas en sus p(ro)p(r)ias partidas todas las fieras barbaras naciones que son entre el Rio que ha no(m)bre el Ri et sal(er)a et entre el danubio et el mar occeano et fizo las tributarias dius si entre las q(u)ales los g(u)alletabos los sorabes los abaductes et boemios las quales gentes subiugadas el Rey karles sen torno en gallia et p(r)iso co(n) si s(us) fillos karles pipino et loys et con todo el exercitu delos francos et delos germanos passo en bauera passo el danubio et dio la meytat del ex(er)citu a los fillos et Retuuo la otra meytat pora si con los quales corrio sobre los hu(nc)nos et destruyo los malame(n)t et despoblo lures Regiones et conq(u)irio pannonia ystria liburnia et dalmacia.
Tamién apareixe en a "Grant Cronica de Espanya": la mis(er)icordia de dios no(n) les fallecio por q(ue) la .ja. dellas caso co(n)el rey d(e)los alamanes. & la ot(r)a co(n)el rey d(e)los baioarios. la q(u)al t(ie)rra agora se clama bauera
CheografíaO puesto mas baixo de Bavera se troba a uns 100 m sobre lo libel d'o mar en Kahl am Main y lo mas altero en os Alpes en a tuca Zugspitze (2962 m sobre lo libel d'o mar), a montanya mas alta d'Alemanya. As 30 tucas montanyosas mas altas d'Alemanya se troban en os Alpes bavaros, concentraus en as montanyas de Wetterstein, os Alpes de Berchtesgaden y los Alpes d'Allgäu. A tuca bavara mas alta d'os Alpes de Berchtesgaden ye lo Watzmann (2713 m) y la tuca bavara mas alta d'os Alpes d'Allgäu ye lo Hochfrottspitze (2649 m). O Großer Arber en a Selva de Bavera (Bayerischen Wald) se troba a 1.455,5 m sobre lo libel d'o mar y ye la montanya mas alta de Bavera difuera d'os Alpes. ClimaEntre uns 100 días as temperaturas son per debaixo de zero graus centigrados, los aires de l'ueste trayen una meya de 700 mm de precipitación, localment dica 1800 mm per anyo en l'extremo norte d'os Alpes. A duración meya anyal d'a luz solar ye d'1.600 a 1.900 horas. O mes mas calido gosa estar chulio y lo mes mas fredo ye chinero. O foehn influye en o clima en o semontano d'os Alpes. O norte de Bavera ye, per un regular, mas ixuto y calido que lo sud; a rechión arredol de Würzburg tiene los días mas soleyaus d'o sud d'Alemanya. Demografía
Organización politico-administrativaAdministraciónBavera ye dividida administrativament en siet rechions (Regierungsbezirke):
Districtos y ciudaz independientsIstas rechions agrupan a 71 districtos y 25 ciudaz independients:
A 25 ciudaz independients son: Amberg, Ansbach, Aschaffenburg, Augsburg, Bamberg, Bayreuth, Coburg, Erlangen, Fürth, Hof, Ingolstadt, Kaufbeuren, Kempten, Landshut, Memmingen, Múnich, Nüremberg, Passau, Ratisbona, Rosenheim, Schwabach, Schweinfurt, Straubing, Weiden y Würzburg. Luengas de BaveraEn Bavera se charran amás de l'alemán atras luengas d'orichen chermanico. Son prencipalment tres: o bavaro, o suabio y lo franco. Lista de ministro-presidents de Bavera
GastronomíaA cocina bavara incluye muitas carnes y platos de Knödel, ya qué usa farina. A causa d'as suyas condicions rurals y clima fredo, solament cautibos como que a remolacha y a trunfa reinan en Bavera, estando un alimento basico en a dieta alemana. Virollas tipicas son:
Referencias
Vinclos externos
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg)
