|
Hannibal BrooksHannibal Brooks (títol orichinal, enguerada en Aragón con o títol en castellano d'El último obstáculo, en aragonés O zaguer obstaclo) ye una cinta de cine britanico de cine de comedia belica enguerada l'anyo 1969, dirichida por Michael Winner seguntes un guión adaptau por Ian La Frenais y Dick Clement (basau en una historia de Michael Winner y Tom Wright), con una banda sonora orichinal de Francis Lai, una dirección de fotografía de Robert Paynter, una producción cinematografica de Michael Winner ta la productora cinematografica Scimitar Films y un elenco d'o cual en fan parte Oliver Reed, Michael J. Pollard, Wolfgang Preiss, Helmuth Lohner, Peter Carsten, Karin Baal, Ralf Wolter, John Alderton, Jürgen Draeger, Ernst Fritz Fürbringer, Erik Jelde y James Donald, entre d'atros actors. Stephen "Hannibal" Brooks ha estau capturau por soldaus d'a Wehrmacht mientres a Segunda Guerra Mundial en Italia en 1944 y lo levan como presonero de guerra a un campo de presoneros en Bavera. Cuan li ufren a posibilidat de treballar fuera d'o camo, accepta, y lo destinan en o zoolochico de Múnich a on ha de cudiar d'una elefanta asiatica procedent de Sri Lanka clamada Lucy. Fa una sobrebuena relación con l'animal y bel día, dimpués d'un bombardeyo aerio en o cual fieren a la elefanta, los directivos d'o zoolochico deciden ninviar a l'animal enta Innsbruck en Austria y que Hannibal l'acompanye. Tanimientres, en plegar en o ferrocarril, un oficial d'as Schutzstaffel requisa lo vagón y deciden ninvar a Lucy a piet, en un viache de 10 días. O grupo lo formarán Lucy, o suyo cudiador Hannibal y dos soldaus alemans, Kurt, bien problematico, y Willy, bien amable. En o zaguer momento, lis adhiben a Vronia, una polida mesacha polaca, ta que lis treballe como cocinera. Arredol d'o grupo viacha tamién Packy, un estausunidende fugau que ha organizau un grupo de partisanos en a redolada, y lo coronel von Haller, lo mesmo SS que no lis dixó viachar en tren. A cinta s'ambienta en 1944 mientres a Segunda Guerra Mundial en Italia, Múnich y atros puestos de Bavera en Alemanya y en o Tirol en Austria. As suyas escenas se filmoron en Egg y Schröcken (Vorarlberg) y Bregenz, Leutasch, Tulfes y Volders (Tirol) en Austria y en Múnich (Bavera) en Alemanya.[2] Elenco[3]
Se veiga tamiénReferenciasVinclos externos
|
.svg){kind=small}
Portal di Ensiklopedia Dunia
