A provincia de Hainaut (en francés, Hainaut, en neerlandés, Henegouwen y en alemán, Hennegau) ye una d'as provincias d'o reino de Belchica, situata en a Rechión Valona.
Muga a o norte con as provincias flamencas de Flandres Occidental, Flandres Oriental y Brabant Flamenco; a l'ueste y a o sud con os departamentos franceses de Nord y Ardenas y a l'este con as provincias valonas de Brabant Valón y Namur.
A rechión tien una superficie de 3.787 km², a on que viven un total de 1.287.000 habitants. A suya capital ye Mont (en francés Mons y en neerlandés, Bergen). A mas d'a capital, atras ciudaz importants d'a provincia son Tchålerwè, Tournai y El Lovire.
Toponimia
En os "Libros de Collidas d'as Cheneralidaz d'o Reino d'Aragón", correspondients a os anyos centrals d'o sieglo XV, se puet trobar tamién decumentos escritos en Monzón a on apareixe escrito Enaut[1], en referencia a las telas provenients d'ista rechión.
Referencias
