|
Ferrando de Magallans
Ferrando de Magallans (en portugués Fernão de Magalhães) naixiu de Porto lo 1480 y muerto en Mactán, hue Filipinas, o 27 d'abril de 1521, estió un navegant portugués conoixiu por estar o primer en trescruzar o estreito de Magallans y fer parte d'a expedición que fació a primera vuelta a lo mundo la expedición de Magallans-Elcano. Vivió los suyos primers anyos en a cort de Portugal, pero lo suyo afán d'aventuras li fació embarcar-se ta l'Orient Estrimero, an as factorías portuguesas teneban una época d'esplendor en as suyas relacions con os territorios que actualment forman Malaisia, Indonesia y as Filipinas. O 20 de setiembre de 1519 marchó dende o puerto de Sanlúcar de Barrameda en Cádiz ta dar a vuelta a lo mundo. En 1520 estió lo primer navegant que trescruzo lo estreito que dende allora levó lo suyo nombre, o estreito de Magallans, a lo sud d'a Tierra d'o Fuego. Tamién baptizó a l'oceano Pacifico con ixe nombre debito a que yera muito mas quedo que l'anterior oceano por cual heban navegato, l'Atlantico. Magallans nunca no tornó ta Espanya, por o que no fació a vuelta a lo mundo. Morió en Filipinas en a Batalla de Mactán, luitando con una tribu de nativos comandaus por lo Datu Lapulapu. Dende ixe inte Juan Sebastián Elcano prenió lo mando d'a expedición y tornó ta Espanya atra vegada, estando lo primer hombre en fer una vuelta a lo mundo.  Vinclos externos
|
||||||||||||||||||||||
