Estallo (edificio)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre o estallo, borda ta amallatar o ganau. Ta atros usos d'«estallo», se veiga Estallo (desambigación).

Un estallo contruiu en aprofitando o sallent d'una penya.

A caractería mas vistera que permite identificar una cabana u borda como estallo ye a presencia d'un pesebre.

Un estallo (posiblement, d'o latín <STABULUM[1]) ye una cabana u borda que ye exenta (fuera d'una población) y s'emplega ta amallatar u cubillar una cantidat limitada de ganau contra las eventualidaz de l'orache, siempre por periodos curtos de tiempo (bellas horas, una nueit, etc).

Os estallos se soleban construir en os arredols de bel camín u cabanyera que os ganaus fesen servir a sobén. Cuan o estallo yera propiedat de toz os amos u mas d'un de os que i heba en un lugar, o mantenimiento se feba a vicinal d'entre toz.

En comparanza con belatros tipos de construccions agropecuarias, os estallos gosan tener bel pesebre de piedra, a on que se les daba pastura a os animals. A sobén en l'interior i ha tamién rastilleras y bels atros elementos que se relacionan clarament con l'alimentación y mantenimiento d'os animals.

En l'actualidat, a mayoría d'estallos que se troba en l'Alto Aragón son desusaus, muitos, oblidaus por os ganaders de a redolada, s'arrodeyan cada vegada mas de selva y se'n gosa trobar beluns dica espaldaus.

Imáchens

• 
• 
  Enrunas d'un estallo caiu.

Se veiga tamién

• Estallada.
• Estallo.
• Mallata.
• Cuadra.
• Cort.
• Corral.
• Cabana.
• Caseta.

Referencias

1. (es) Brian Mott El habla de Gistaín, Instituto de Estudios Altoaragoneses, 1989, ISBN 84-86856-15-9, p.49

• Datos: Q13048994