Corral

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre o corral, recinto a on se zarra animals en os poblaus. Ta atros usos de «corral» se veiga Corral (desambigación).

Una muller les da grano a las gallinas d'un corral.

Un corral (d'o latín < *CURRALE)[1] ye un recinto a on que se zarra animals domesticos ta o suyo mantenimiento, en as inmediacions d'una casa u belatra construcción, cuasi siempre en l'interior u os arredols d'una población.

O corral puede quedar delimitau por paretz, por baranas u por belatras construccions que i haiga arredol. En l'actualidat ye frecuent que s'emplegue baranas de tela metalica ta zarrar-los, especialment cuan os animals que i ha son de mida chicorrona (gallinas, conillos, pavos) y brincarían por d'entre as latas d'una cleta u cercau si tenese unatra forma. O conchunto d'aus de corral d'una casa ye a volalla.[2]

En l'Alto Aragón ye muit frecuent, sobre tot en as casas antigas, que o corral se comunique obierto con a cuadra u con as zolles (que tamién frecuentment son en os baixos de a casa), de forma que se facilita a dentrada y a surtida d'os animals cuan les vaga, y que disposen de cubillo contra l'orache.

Imáchens

• 
  Con gallinas.
• 
  Con anedas y latons.
• 
  Con una craba, en Sudán.
• 
  De paretz y con a puerta de barana metalica.
• 
  De baranas de metal.
• 
  Con baranas de madera.

Referencias

1. (es) Rosa María Castañer Martín:Estudio del léxico de la casa en Aragón, Navarra y Rioja, Gubierno d'Aragón, 1990, ISBN 84-7753-146-3, p.293
2. (es) Ballarín Cornel, A: Diccionario del Benasqués, Institución Fernando el Católico, Zaragoza, 2ª ed (1978). p 84.

Se veiga tamién

• Volalla.

Vinclos externos

• Se veigan as imáchens de Commons sobre corrals.

• Datos: Q17176657