|
Ermita de Sant Salvador de Fuents Claras
La ermita de Sant Salvador ye una ermita situada en a localidat aragonesa de Fuents Claras, tamién conoixida como Lo Santo y situada en o barrio homonimo.[1] Ye consagrada a sant Salvador d'Horta. HistoriaLa Ermita estió construyida en un antigo cruce de camins que levaban a lugars vecinos: un endrezau ta Camin Reyal y Torrillo, y l'atro enta Villalba de los Morals y Tornos. Lo suyo orichen ye encara incierto, pero puede datarse entre la segunda metat d'o sieglo XVIII. Posteriorment naixió a lo suyo arredol l'actual nuclio de población que prenió lo nombre d'a Ermita, potenciado gracias a la construcción d'o ferrocarril cercano per la Companyía del Ferrocarril Central d'Aragón y d'as estacions ferroviarias en o municipio vecino de Caminreal, la primera en 1901 y la siguient (Gara de Camín Reyal-Fuents Claras) en 1933. DescripciónL'edificio ye un eixemplo de construcción popular y de chicotas dimensions. Ye de planta rectangular y una sola nave, con cubierta a cuatro auguas y construyiu en sillería y mampostería. La frontera prencipal estió pintada de blanco, posiblement en calendatas posteriors a la construcción. Disposa de dos contrafuertes laterals, nomás visibles per un costau en estar l'edificio adosado a unatra edificación per lo costau contrario, an asoman dos ventanucos a l'altura d'o tejado. L'interior, muito sencillo, ye pintau de blanco. Carece de decoración bella y la suya embaldosado ye moderno. En o ábside i hai un retablo en celeste y dorado, dos lienzos centrals con imáchens d'o santo y un altar con a imachen d'o titular. La dentrada presienta un sencillo arco rebaixau con una ringlera de rechola a la manganeta y coronado per una hornacina (actualment vueda) y una sencilla cruz. La frontera combina lo blanco dominant con o ocre, usau en o arco a lo tresbolillo, lo tejadillo y la base d'o muro. Flanquean la dentrada dos plataneros a senglos costaus y dos cadieras tocantes a la frontera. Antes mas aculliba ermitaños, que viviban en dependencias anexas.[2] La Ermita tiene un papel destacau en una d'as prencipals tradicions de Fuents Claras: la Romería d'os Penitents. La procesión, formada per los miembros d'a Cofradía d'a Sangre de Cristo, parte dende la Ilesia parroquial endrezau ta Villalba de los Morals, acompanyaus per los vecins y fendo aturada debant d'a Ermita, dende an los cofrades siguen en solitario.[3] Lo 23 d'agosto de 2010 lo Concello la declaró Monumento d'Interés Local de cara a la suya inclusión en o Catalogo d'o Patrimonio Cultural Aragonés.[4] Referencias
Bibliografia
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.jpg)
Portal di Ensiklopedia Dunia
