|
Electorau de Saxonia
O electorau de Saxonia estió un estato d'o Sacro Imperio Romano Chermanico, establito en 1356 por a dita Bula d'Oro que fació convertir-se a Saxonia en un electorau con dreito a voto en a Dieta Imperial succedindo a o ducau de Saxonia-Wittemberg y a o margraviato de Misnia. Iste electorau despareixió en creyar-se a Confederación d'o Rin en 1806 ta convertir-se en o dito reino de Saxonia. Teneba a suya capital en a ciudat de Dresde y mientres a suya existencia tenió una gran importancia historica, estando os suyos prencipes-electors presents en cuantos momentos destacatos d'a Historia d'Europa. O electorau se concedió a la Casa d'Ascania, continando en as suyas mans dica la muerte sin d'hereders d'Alberto III de Saxonia-Wittenberg en 1422, cuan l'emperador Sechismundo I d'o Sacro Imperio Romano Chermanico lo concedió a Frederico IV de Meissen (d'a Casa de Wettin), qui se convertió asinas en Frederico I de Saxonia, como premio por l'aduya que hi heba prestato mientres as Guerras Hussitas.
|
|||||||||||||||||||||||||||||||||||||||||
Portal di Ensiklopedia Dunia
