|
Eddie Macon's Run
Eddie Macon's Run (títol orichinal en anglés, en aragonés A cursa d'Eddie Macon, enguerada en Aragón con o títol en castellano de La fuga de Eddie Macon, en aragonés A defuita d'Eddie Macon) ye una cinta de cine estausunidense de cine d'intriga dramatica enguerada l'anyo 1983, dirichida por Jeff Kanew seguntes un guión adaptau por él mesmo (basau en a novela Eddie Macon's Run,que heba publicau James McLendon l'anyo 1980), con una banda sonora orichinal de Norton Buffalo y Mike Hinton, una dirección de fotografía de James A. Contner, una producción cinematografica de Martin Bregman y Louis A. Stroller ta la productora cinematografica Universal Pictures y un elenco d'actors formau por Kirk Douglas, John Schneider, Lee Purcell, Leah Ayres, Lisa Dunsheath, Tom Noonan, J.C. Quinn, Gil Rogers, Jay O. Sanders y Mark Margolis, entre d'atros. Eddie Macon ye un preso que se fuga d'a garchola a on ye condenau, y a traviés de "flashback" s'explica la suya historia. Eddie s'ha tresladau a vivir a Texas dende Florida por motivos de salut de su fillo pero se troba inchustament acusau y condenau, encara que no pas a una pena greu. En prebar de fuyir-ne d'a garchola, li augmentan a pena y chunto con su muller preparan un elaborau plan de fuga. Aproveitando d'un espectaclo de rodeyo, se fica adintro d'un cambión de transporte de ganau y prencipia una cursa a traviés d'o desierto de texas ta conseguir plegar en a muga con Mexico en Laredo, estando preseguiu terne que terne por Carl Marzack, un achent que ya l'heba perseguiu y capturau en a suya fuga anterior. A cinta s'ambienta en a suya epoca actual (1983) en Laredo y atros puestos de Texas y en Tamaulipas en Mexico, y las suyas escenas se filmoron en Cotulla, Encinal, Laredo y Rio Grande City en Texas.[2] Elenco[3]
Se veiga tamiénReferencias
Vinclos externos
|
||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
