|
Corridas de pollos
As Corridas de pollos y a sobén pollaradas son corridas populars pedrestes celebradas en Aragón que inicialment teneban como premio pa lo ganador varios d'istes animals.[1][2] Se disputan tradicionalment como un acto esportivo d'as fiestas mayors de bels lugars y a vegadas mesmo en as fiestas menors.[3] Son rodiadas de coloriu y musica, que acompanya de contino a los millors corredors locals y forasters. Se realizan con distancias y cercuitos variables, estando paso obligau la Casa d'a Villa dende que lo suyo balcón as autoridaz y las reinas d'a fiesta observan o suyo paso, podendo estar un recorriu per as redoladas d'una localidat, recorrendo la mesma per adintro u mesmo dando tornadas a una plaza ofrindo premios menors a traviés de metas volants. La suya denominación corresponde con o premio que aconsigue lo ganador d'a preba, d'antis se celebraban corridas de espadas y de agulletas pa ninos. Las cursas de pollos tambien pueden denominar-se de muitas atras formas seguntes lo suyo premio u los participants, muitas en cambiar lo pollo de premio a premios en metalico y trofeus cambiaron de nombre podendo estar, corrida a lo estilo d'o país,[4] corrida de peatones, corrida de chornalers, corrida d'a joya, corrida d'a cordera, corrida d'a rosca, corrida d'a mazana, corrida d'hombres u corrida de mullers entre d'atras.[5] En Sarinyena, en primerías de setiembre, pa Sant Antolín, encara se celebran corridas de pollos. Referencias
|
Portal di Ensiklopedia Dunia
