|
Conchita Martínez
Inmaculada Concepción Martínez Bernat mas conoixita como Conchita Martínez (naixita o 16 d'abril de 1972) estió una tenista profesional de Monzón, Aragón. Ye a unica muller d'o Estato Espanyol en ganar o títol individual de Wimbledon cuan ganó a Martina Navrátilová en a final de 1994. Tamién ha estato finalista en l'Open d'Australia de l'anyo y en Roland Garros en l'anyo 2000. A mas ganó tres medallas olimpicas en dobles, dos d'archent en os Chuegos Olimpicos de Barcelona 1992 y Atenas 2004 y una de bronce en Atlanta 1996 BiografíaEn l'anyo 1993 plegó por primera vegata a las semifinals de Wimbledon y ganó o Masters de Roma. En l'anyo 1994, Conchita Martínez se convertiría en a única tenista d'o Estato Espanyol en ganar o torneyo mas prestichioso d'o panorama tenistico, Wimbledon, redotando a Martina Navrátilová en a final por 6-4, 3-6 y 6-3.[1][2] A chugadora aragonesa plegó a la final d'un torneyo de Grand Slam atras dos vegatas, en Australia (en l'anyo 1998)[3][4] y en Roland Garros (en l'anyo 2000).[5] En l'anyo 1995 plegó a las semifinals de toz os torneyos d'o Grand Slam y se convirtió en a nº2 mundial d'a WTA. En l'anyo 1996 torna a ganar o Masters de Roma, convirtindo-se en a unica tenista que gana cuatre anyos consecutivos iste torneyo. A mas d'o suyo rendimiento a ran individual en a WTA (en la que s'ha mantenito en a elite tenistica en tres epocas distintas, adaptando o suyo chuego a las distintas cheneracions y rematando entre as diez millors chugadoras d'o mundo en nueu temporatas distintas), Conchita Martínez ha contrimostrato tamién a suya capacidat como chugadora de dobles. En ista modalidat, a tenista ha conseguito 13 títols d'a WTA y, en companyía de Virginia Ruano, a clasificación ta o Masters Femenín en l'anyo 2005, anyo en que se situó entre as diez millors doblistas d'o mundo. Conchita Martínez ha competito con Espanya tanto en os Chuegos Olimpicos como en a Copa Federación, consiguindo cinco Copas Federación y tres medallas olimpicas.[6] Conchita Martínez gosa estar l'eixemplo de chugadora con un gran potencial que, manimenos, no plega a cubrir todas as alufras que la chent se'n feba d'ella. Dengún d'os tecnicos que tenió en a suya carrera ha dandaliato en definir-la como una virtual numero uno mundial. Ha ganato torneyos en todas as superficies posibles (33 individuals d'a WTA), ye a unica espanyola que ha ganato medallas en tres Chuegos Olimpicos distintos, ha ganato 71 partius en una temporada (1993) y ye a primera tenista que gana por un doble 6-0 a una chugadora situata entre as diez millors d'o mundo. O 15 d'abril de 2006, Conchita Martínez anunció a suya retirata d'o circuito profesional.[7] O 12 de chinero de 2007, Conchita fue galardonata con a Medalla a o Merito Esportivo "Ciudat de Zaragoza".[8] Grand SlamGanados(1)
Finalista (2)
Clasificación en torneyos d'o Grand Slam
Títols WTAIndividualsGanatos (33)
FinalistaTítols (dobles)[9]
Vinclos externos
Referencias
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg){kind=small}
Portal di Ensiklopedia Dunia
