|
Chuan V Paleologo
Chuan V Paleologo (Ιωάννης Παλαιολόγος en griego, Ioannēs V Palaiologos en latín) ye naixiu o 18 de chunio de 1332 de Didymoteicho y morió o 16 de febrero de 1391 en Costantinoble. Estió emperador de l'Imperio Bizantín en tres periodos de tiempo diferents. Yera fillo d'Andronico III Paleologo y d'a suya muller Ana de Saboya (filla d'Amadeu V de Saboya y María de Brabant). Cuan Chuan V s'asentó en a cadiera imperial a la muerte de su pai cuan teneba 9 anyos, l'Imperio se reduciba a Costantinoble, Tracia, Tesalonica y bella isla d'a mar Echea, (os atros territorios los heban conquiestos os serbios u bulgaros u yeran en a practica autonomos, como Morea). Chuan V miró l'aduya de Roma en 1355, 1366 y 1369. Plegó a fer actos protocolarios pa la profesión de fe catolica romana, y n'estos actos o suyo interprete estió Nicolau de Drenopoli, que dimpués treballaría pa Chuan Ferrández d'Heredia en o suyo taller de traductors. En tiempos de Chuan V (1341-1391) os turcos otomans entroron en os Balcans ya de pa cutio, dirichius por Murat I y conquirioron Tracia, Filinopolis y Adrianopoli, preferindo dedicar-se a la conquiesta de territorios en os Balcans en cuenta de conquerir a ciudat de Costantinoble. Os turcos otomans iban abanzando en a conquiesta d'os Balcans, vencendo a los serbios o 15 de chunio de 1389 en a batalla de Kosovo y poco dimpués a los bulgaros. Bibliografía
|
||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
