Chuan Costa y Beltrán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chuan Costa y Beltrán
3^er Cronista d'o Reino d'Aragón
1592 – 1597
Precediu por	Cheronimo de Blancas
Succediu por	Jerónimo Martel
Naiximiento	1549? Zaragoza
Muerte	30 de chunio de 1597 Zaragoza
Alma Máter	Universidat de Zaragoza

Chuan Costa y Beltrán (Zaragoza, 1549 - † Zaragoza, 1597) estió un avogau aragonés y cronista oficial d'o Reino d'Aragón entre os anyos 1592 y 1597.

Biografía

Naixió probablement de Zaragoza en l'anyo 1549 u 1550 fillo de Pedro Costa y María Beltrán. Se doctoró en Dreito por a Universidat de Zaragoza en l'anyo 1585 en a que gosó estar catedratico d'ista mesma facultat. Antis d'isto estió catedratico de Retorica en as universidaz de Barcelona (1572), Salamanca (1577), Uesca, Leida y Valencia.

Dimpués d'a muerte de Cheronimo de Blancas en l'anyo 1590 fue proposau por a Deputación d'o Reino d'Aragón ta o puesto de cronista oficial.

Obra

Entre as suyas obras cal destacar o Gobierno del ciudadano (1584), dialogo adedicado a la ciudat de Zaragoza, reeditau cuantas vegadas y traduciu a latín, francés y italiano.

Manimenos a obra suya mas important ye De conscribenda rerum historiae (1591) en a que proposa que a historia a de replegar nomás aquels escaicimientos d'os que se pueda quitar una buena ensenyanza; diz como han d'ordenar-se as noticias y da bellas normas sobre os discursos que se meten en boca d'os personaches. Tracta tamién temas como a historia d'a Filosofía y a Poesía.

Atras obras destacadas estioron De utraque inventione oratoria et dialectica (Barcelona, 1578, y nueva edición en Zaragoza, 1584) y Oratio in laudem litterarum, leída en a Universidad de Zaragoza en 1584.

Como cronista escribió un Catalogo y chenealogía d'os reis d'Espanya y unas Anotacions a os Anals d'Aragón. Tamién fació una Cronica d'Aragón que, en no contar con l'aprebación d'o monarca debiu a la independencia de chuicio que amostraba, fue destruyida.

Vinclos externos

• (es) Juan Costa y Beltrán
• (ca) Juan Costa y Beltrán en www.enciclopedia.cat
• (es) Juan Costa y Beltrán en a GEA

Cronistas mayors d'o Reino d'Aragón

Cheronimo Zurita (1548-1580) | Cheronimo de Blancas (1581-1590) | Chuan Costa y Beltrán (1590-1597) | Jerónimo Martel (1597-1608) | Lupercio Leonardo de Argensola (1608-1613) | Bartolomé Llorente y García (1613 - 1614) | Bartolomé Leonardo de Argensola (1615-1631) | Félix Lucio Espinosa y Malo | Diego Vicencio de Vidania | José Pellicer de Ossau (1641) | Francisco Ximénez d'Urreya (1631-1647) | Juan Francisco Andrés de Uztarroz(1647-1653) | Miguel Ramón Zapater (1661) | José Pujol y Felices (1661) | José Fernández (1664) | Francisco Diego de Sayas y Ortubia (1653-1669) | Juan José Porter y Casanate (1669-1677) | Domingo La Ripa (1686) | Diego José Dormer (1677-1703) | José Lupercio Panzano (1703-1705) | Pedro Miguel Samper (1705-1707)

• Datos: Q63164575