Chenitivo saxón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O chenitivo saxón ye como se diz tradicionalment a o caso chenitivo posesivo aintro d'a gramatica anglesa tradicional a on que se considera un sufixo en forma d'apostrofe.

S'obtiene gracias a un apostrofe y una s mesa a la fin d'a parola, como por eixemplo:

William's brother came yesterday. (O chirmán de William venió ayere).

Ista construcción de chenitivo ye una d'as pocas muestras "flexivas" que teneba l'anglés antigo y que permaneixen en l'anglés muderno actual.

O termín de chenitivo saxón se fa servir como una analochía con o caso chenitivo clasico d'a declinación d'o latín.

Formación d'o posesivo en anglés

L'anglés mudern fa o chenitivo saxón d'ista traza:

	Regular nouns (nombres regulars) que no rematan en "s"	Regular nouns que rematan en "s"	Irregular nouns (nombres irregulars)
Singular	-’s (por eixemplo cat's)	-’s or -’ (por eixemplo class's, goodness')	-’s (por eixemplo child's, ox's, mouse's)
Plural	-s' (por eixemplo cats')	-es' (por eixemplo classes', goodnesses')	-'s (por eixemplo children's, oxen's, mice's)

En l'anglés antigo bi ha eixemplos d'haber-se feito servir como "his" en un eixemplo d'etimolochía popular, por eixemplo "St. James his park"

Uso

Muit emplegato en poesia, en o luengache corrient nomás se fa servir ta os nombres propios sin d'articlo.

O chenitivo saxón s'usa dimpués de nombres de personas/animals/cosas. Ye una error emplegar o chenitivo saxón dimpués d'adchectivos. Os pronombres no se combinan con a 's ta formar y os posesivos en o suyo puesto s'usan una serie de pronombres posesivos como his y its. Escribir iste zaguero con una ese apostrofata ye una error ya que, por eixemplo, it's tien siempre o significato de it is

Interpretación gramatical muderna

Actualment muitos lingüistas meten en dubda que o chenitivo saxón sía un caso gramatical. Lo argumentan decindo que s'ha convertito en una particla clitica,[1] que si bien siempre apareixe chunto a o nombre, os dos son clarament deseparatos. Un eixemplo ta contrimostrar ista argumentación sería:

The ambassador of Iceland's wife was very welcome (interpretación como: A muller de l'embaixador d'Islandia estió muit biemplegata)

Si la 's que apareixe dezaga d'Iceland fuese un caso d'o nombre, alavez a muller lo sería d'o país, Islandia. Manimenos, a muller lo ye de tot o sintagma nominal "The ambassador of Iceland".

Leonard Bloomfield en o suyo libro Language (1935, pp. 203–6), clasificó o chenitivo saxón como un determinant mas, d'a mesma forma que os atros posesivos ("my, your, his etc").

O chenitivo saxón y l'Old English

En l'anglés antigo (Old English) a declinación d'os nombres se feba d'alcuerdo a o chenero gramatical. O chenitivo saxón muderno deriva d'os casos masculins fuertes y os neutros de l'Old English. As formas d'o plural son una innovación relativament muderna y no derivan directament de l'Old English.

Chenero	Singular	Plural
Masculín fuerte-Strong masculine	-es	-a
Masculín feble-Weak masculine	-an	-ena
Femenín fuerte-Strong feminine	-e	-a
Femenín feble-Weak feminine	-an	-ena
Neutro fuerte-Strong neuter	-es	-a
Neutro feble-Weak neuter	-an	-ena

Referencias

1. (en) SIL Glossary of Linguistic Terms: What is a clitic?

Gramatica de l'anglés

Fonetica Accentuación · Fonetica · Fonolochía Morfolochía Adverbios (Adverbios espacials · Adverbios espacials deicticos · Adverbios de tiempo · Adverbios de manera · Adverbios de cantidat · Adverbios d'afirmación, negación y duda · Adverbios conchuntivos · Locucions adverbials) · Articlos en anglés · Chenero · Chenitivo saxón · Conchuncions · Adchectivos · Determinants en anglés (Demostrativos · Indefinitos · Numerals cardinals · Numerals ordinals) · Numero Substantivos incontables · Pronombres Pronombres relativos · Prefixo · Sufixo · Preposicions · Verbos (Verbos auxiliars · verbos modals · verbos con particla u phrasal verbs · verbos introductors · construccions verbo-nominals) Sintaxi Concordancia · Negación · Sintagma adchectival · Sintagma nominal · Complemento de rechimen verbal · Sintagma verbal · Do-support · Inversión · Voz pasiva · Oracions condicionals · Proposicions de relativo Lexicolochía Cultismos · Lexico (Arabismos · Castellanismos · Chermanismos · Escandinavismos · Galicismos · Helenismos · Italianismos) · Semicultismos Ortografía Normas ortograficas Datos: Q1861696