|
Castiello de Xabier
Lo Castiello de Xabier ye un castiello situato a 7 km de Sangüesa y que con atros edificios amanaus constituye lo chicot termin de lo municipio de Xabier. Orichinalment yera una simpla torraza que se convertió en una torre de l'homenache cuan construyoron murallas y atras edificacions. ToponimiaLas variants medievals de lo toponimo son: Exauierre en 1091, Iabier en 1102, Issauier en 1237, Sabier en 1102, Xauierr en 1366 y Xavierr en 1366. Lo nombre ye d'orichen navarro-aragonés, pus tien diftongación romance en -ie- d'una Ĕ curta, pero se remonta a lo basco Etxe Berri, "casa nueva". D'esta traza la parola basca berri evolucionó en una comunidat romanizada u romanzada parlant d'una luenga romanz como si fuese una parola latina con Ĕ como CERVUS u SERVUS y diftongó la suya Ĕ convertindo-se en la radiz -bierre d'este toponimo, en linia con parolas como ciervo y siervo. Tien lo mesmo orichen y significato que atros Xabierres de l'Alto Aragón, pero perdió la e final porque en Navarra la tendencia a perder-la yera mas gran que en las vals pirenencas, mas arcaizants. La torre de l'homenache de lo castiello ye conoixita hue como la Torraza. Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
