|
Caimodorro
Caimodorro ye un mont que bi ha en la Sierra d'el Tremedal entre las localidaz d'Oriuela (Teruel) y Orea (Guadalachara), entre lo termin municipal d'Oriuela y una "manga" de lo termin municipal d'Albarracín, cerca de la muga entre las provincias de Guadalachara y Teruel. Caimodorro y los suyos cerros s'alzan bels 300–400 m sobre lo cabaixo de la sierra. En a suya cima bi ha un vértiz cheodesico. ToponimiaL'oronimo Caimodorro provién de Cabezo Modorro.[3] Bi ha una mención medieval de 1407 como Cabeza Modorra en un texto relacionau con la fixación de mugas entre Molina d'Aragón y Albarracín.[4] CheolochíaCaimodorro ye l'altaria mes vistable de la sierra d'el Tremedal, caracterizada por l'afloramiento de los materials paleozoicos de lo "macizo d'el Tremedal", un de los cinco macizos paleozoicos definius por los cheologos en la serranía d'Albarracín. En Caimodorro abundan las cuarcitas d'edat paleozoica, que s'esgallan por l'acción de la chelifracción orichinando pedrizas, que cayen enta los fondons de las vals de la redolada, a on que se forman los ríos de piedras, borrocales u berrocales.[3] y conoixitos localment como canchales.[5] Bi ha losetas d'edat paleozoica que por meteorización orichinan archilas y que se ven afectadas por la solifluxión. La solifluxión creya lobulos a on se fan las paúls acidas u tremedals. VechetaciónPredomina la pineta de pin royo Pinus sylvestris. La pineta de pin royo se considera la vechetacion clímax a partir de los 1.600–1700 m d'altaria, por debaixo d'esta cota podría haber estau favoreixida por l'actividat humana a costa de los caixigars de Quercus pyrenaica,[6] y por ixo ye común veyer un matigal d'esta especie de caixigo baixo lo estrato arborio formau por los pins. Los chinebros (Juniperus communis alpina), las estepas (Cistus laurifolius) y aranyoners (Prunus spinosa) tamién i son presents. Feguras de protecciónLa superficie de Caimodorro s'incluye en la PIC Pauls d'Oriuela, en la ZEPA Parameras de Pozondón y en la Reserva de Caza de los Montes Universales.[1] Referencias
Vinclos externosBibliografía
|
||||||||||||||||||||||||||||||||||||||
Portal di Ensiklopedia Dunia
