|
Cárcel de Broto
A cárcel de Broto ye una torre de piedra que se troba en o lugar de Broto y que sirvió como garchola d'a Val de Broto dende o sieglo XVI dica o sieglo XX. Fue destinata en primeras a la esfensa d'o puent medieval devantau sobre o río Ara y a cobrar os dreitos de pasache existents, encara que a partir de ra concesión de privilechios a la Chunta d'a Val por parte d'os reis aragoneses, dende o sieglo XIV, se fue tornando en prisión, feto per o cual s'observan bellas sayeteras en os suyos paretons, cegadas cuasi todas y recubiertas con mortero de calso y arena en o suyo interior. Dintro d'a propia carcel se troba unos gravaus muit importants fetos per os propios presos, datatos en diferents epocas y que son de gran calidat. En l'anyo 2005, gracias a ro prochecto Continua Pirineum, liderato per a Comarca de Sobrarbe, se fació una restauración completa, que liderado por la Comarca de Sobrarbe, se realizó una restauración completa que permite disfrutar plenament d'iste Monimento. HistoriaChunto a la embocadura de l'antigo puent gotico d'o sieglo XVI se troba dos edificacions apegatas y intimament ligatas historicament, A “Torre de ra Carcel” y a “Casa de ra Val” u Chunta de ra Val. Esta yera a siede de l'autoridat que impartiba chusticia en caso de pleitos, entre que a Torre yera ro puesto pa ros presos que imcumpliban as leis. As referencias historicas conservatas sobre l'uso d'a torre como garchola, empecipian a primers d'o sieglo XVI. Os habitadors d'a val de Broto y d'a Val de Barèges (Francia) que fesen un delito yeran chudgatos y fetos presos en esta torre tornata en carcel. Cuasi toz os detenitos soleban cometer delitos relacionatos con os pastos y o ganau, os furtos y o contrabando, y yeran chudgatos por a Chunta de ra Val y engarcholatos en a Torre de ra Cárcel. A mesma tipolochía estructural y funcional de torre esfensiva y prisión la trobamos en atros puntos d'a comarca de Sobrarbe, como Oto, Fiscal, Bergua, Lavelilla, Puertolas u Torla por citar beluns d'éls, que son datatas en o sieglo XVI. EstructuraSe tracta d'una sobria y maciza torre de planta cuadrangular, de tres plantas de fortals muros con vueltas de canyón, en os cuals s'ubren bels cuantos vanos, sayeteras y una finestra en a suya planta superior. Tien un tellau a dos vesants cubierto con losa tipica d'a Val. Se dentra en o recinto a traviés d'a Casa de ra Val, correspondient a la planta intermedia d'a carcel. A o canto d'a puerta d'acceso d'a planta intermedia d'a prisión se troban unas estreitas escaleras de dos tramos que comunican esta planta con a superior. En o primer d'os tramos trobamos dos foratos a modo de cepo practicatos sobre a estructura de fusta a on se piaba a os presos y se les torturaba u mesmo se les tallaban as mans.  . O pasache ta ra planta baixa se fa a traviés de dos oberturas cuandangulars fetas sobre o solero intermedio. A baixada de presos ta la planta baixa se feba a traviés d'una cuerdas enreligadas sobre as dos armiellas clavadas sobre a vuelta d'a planta intermedia, cadauna d'as cuals se troba perpendicular a las oberturas. A planta inferior tien dos salas distintas deseparatas per una antosta central que creya dos espacios estreitos, os dos cubiertos por vuelta de canyón. A estancia intermedia, tamién con vuelta de canyón, tien dos sayeteras, una horizontal y unatra vertical fetas en o muro uesta orientato enta ro río. Tamién trobamos una finestra en o muro norte, cegata per o risgo de fuga d'os presos, ya que s'ubriba enta ro puent. La planta d'alto ye igual a la intermedia, per a suya mida y per o suyo teito de vuelta de canyón, si bien as dos vueltas son perpendiculars pa equilibrar as cargas d'a construcción. En esta cambra trobamos o vano mas gran d'a garchola, que ye una finestra con cabezana, debaixo d'a cual se troba un escusau que verteba os repuis dreitament enta ro canto d'o río a traviés d'un forato feto en o paretón, y debaixo d'él una losa en pendient que facilitaba a evacuación.  Bibliografía
Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
