Barrio de Quez

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Quez
Barrio de Magallón
Enruenas d'o barrio Quez de Magallón
Entidat  • País  • Ciudat	Barrio Aragón Magallón
Codigo postal	50520

O barrio de Quez yera un barrio situau amán de Magallón en a ladera d'o mont Quez. En iste barrio estió centrada a suya producción alfarera en puestos clamaus "rallerías". Cuantas familias i treballaban (principalment os Salvador, os Borobia y os Lobera).[1]

Fuoron aturando a suya producción a bonico, a mayoria entre 1930 y 1955.

Toz os alfareros usaban l'archila que éls mesmos extrayeban d'o mont Quez. Como combustible ta os fornos usaban cospillo d'oliva y chuncos chicos.

As piezas elaboradas yeran emplegadas todas pa almagazenar augua. Entre as formas tipicas se trobaba o "rallo", o "castiello" y a "botija cenacho".

O botico castiello estió feito en o barrio Quez en Magallón.

Historia

O mont Quez ya yera habitau en a Edat de Fierro en o Sieglo VI aC. Bi habió tamién un poblau musulmán que deixo un fosal que estió quitau a la luz entre as obras d'a variant carretera en 1990.

O fosal musulman yera d'o sieglo XII y conteneba 148 fuesas con os suyos calavres mirando enta A Meca. Cada fuesa mediba 170 cm de longaria, 50 cm de profundidat y 50 cm d'amplaria.[2]

Referencias

1. (es) A.Borobia,C.Gerrard,A.Gutiérrez: Obradores de cerámica en Magallón(Zaragoza). Un estudio en etno-arqueología, 1988
2. (es) Royo, Cebolla, Viladés: Arqueología aragonesa: Excavación de urgencia en el yacimiento de El Quez y su necrópolis islámica, DGA, 1992, p. 337-338

• Datos: Q65393371