|
Barranco de Val de Lora
O barranco de Val de Lora ye un barranco aragonés d'a val d'Ebro que naixe en os monts de Lo Castellar, y desemboca en a marguin ezquierda d'o río Ebro, desauguando en o termin de Torres de Berrellén, a mán d'o cerro de Penya Palomera. O barranco naixe en o parache de Lo Castellar, concretament en a zona cartografiata como Los Regañales, dintro d'o Campo de Maniobras y Tiro de Sant Gregorio, y lo municipio de Zaragoza. En o suyo recorrido reculle as auguas d'os barrancos de Val de Fumera, Cueva de Puitrigo, Lentiscar, Val de la fuente, Campillo, Las Navajeras y Val de crinas por a suya marguin dreita, y Val de Ladrones, Casa de Álvaro, Verdinal, Patacorchos, Val de los ríos, Las Cortes, As Zarzas, Val d'Alegre, Conejero por a suya marguin ezquierda, principalment. O suyo cauz ye en a suya totalidat deixato en condicions naturals por a existencia d'o campo militar. Pueden veyer-se plateros exemplos d'erosión remontant en tot o suyo recorrido. Figuras de protección
|
||||||||||||||||||||||||||||
Portal di Ensiklopedia Dunia
