|
Banská Bystrica
Banská Bystrica (en hongaro Besztercebánya, en alemán Neusohl, en latín Neosolium) ye una ciudat d'Eslovaquia situada a cantos d'o río Hron. Seguntes o numero d'habitants ye a cinquena en Eslovaquia. A ciudat ye capital d'a rechión de Banská Bystrica (Banskobystrický kraj) y ye a ciudat prencipal d'o districto homonimo. Historicament ha estau un important centro menero dende a Edat Meya y se i troban a-saber-los molimentos de gran riqueza historica y artistica. HistoriaA primera mención d'a ciudad data de 1255, cuan o rei d'ixas envueltas, Bela IV d'Hongría, aceptó a ciudat y le'n atorgó o poder d'estableixer as leis propias d'una ciudat y una industria menera simpla. Mas que mas bi heba arambre, fierro y archent. En os siguients anyos os alemans formarían una gran parti d'os habitants que fuoron atrayius por a riqueza menera. En l'anyo 1494, as adineradas familias Fugger y Thurzo establioron a companyía Ungarischer Handel (Comercio Hongaro en alemán). Ista empresa creixió, dica o sieglo XVI en que estió una d'as mayors y d'as mas enantadas de menería. Dimpués, cuan os eixercitos de l'Imperio Otomán prencipioron a pasar por Hongría (en l'anyo 1519), s'ordenó fortalecer a ciudat. A ciudat, como un centro protestant, estió un foco de conflicto entre os hongaros, os turcos y tamién con o Papa. En 1620 se coronó aquí o prencipe hongaro, Gabriel Bethlen. Dimpués, a ciudad continó estando important como a tercera mayor en Eslovaquia seguntes o numero de gremios. A connexión ferroviaria con a ciudat de Zvolen se construyió en l'anyo 1873. Mientres a Segunda Guerra Mundial, Banská Bystrica tenió un papel important en a oposición a o nazismo, en encetar-se astí o Devantamiento Nacional Eslovaco (Slovenské Národné Povstanie) de 1944. Dende 1950 ha estau una important ciudat universitaria. En 1992 s'establió a que ye a universidat mas gran d'a ciudat, a Universidat Matej Bel. Vinclos externos
|
||||||||||||||||||||||||||||||||
Portal di Ensiklopedia Dunia
