|
Andilla
Andilla ye un municipio de la provincia de Valencia, situau en la comarca de Los Serrans. La suya población ye de 324 habitants, en una superficie de 142,8 km² con una densidat de 2,27 hab/km². CheografíaYe situau en la costera sud de la sierra d'Andilla. Lo termin municipal ye muito accidentau, con barrancos profundos. Las principals cimas son: Beteta (1.434 m), Resinero (1.482 m), Rumbo (1.146 m), Vihuela (1.273 m) y Miravalencia (1.262 m). MugasLo suyo termin municipal muga con Lo Toro, con Alcublas, con Liria, con Lo Villar, con Figueruelas, con Calles, con Chelva, con La Yesa y con Abechuela. HistoriaAndilla estió seu de la Baronía d'Andilla, inicialment propiedat de lo Linache d'Arenós. En lo "Repartimiento" se documenta que lo 27 d'aviento de 1237 lo rei Chaime I d'Aragón concedió lo castiello y villa d'Andilla a Eximén Pérez d'Arenós. Bel tiempo dimpués Eximén Pérez d'Arenós forachitó a los musulmans y en l'anyo 1292 firmó una carta de población pa 4 habitadors cristianos. Dimpués d'estar propiedat de los Arenós cambió de mans unas cuantas vegadas. A primers de lo sieglo XV perteneixeba a los Contes de Prades, a mitat d'este sieglo perteneixeba a Don Manuel Díez de Calatayú y dimpués pasó a los Heredia. En lo sieglo XVII y primera mitat de lo sieglo XVIII estió propiedat de la familia Rebolledo. En 1732 Andiella cuan perdió una francha de 4 km de termin municipal en un pleito contra Abechuela, este territorio incluyiba lo casal de La Cervera. Mientres la Guerra Civil Espanyola bi habió grans desferras por estar cerca de lo frent que s'heba establiu en penya Salada. Demografía
Vinclos externos
|
||||||||||||||||||||||||||||||||||||||||||||||||||||||||||||||||||||
.svg){kind=small}
