Abarquera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Abarca con abarqueras pa ligar-la a la garra.

As abarqueras son as cintas u cordels[1] que lievan bels tipos d'abarcas y apargatas, u por contra s'han d'adhibir, pa ligar ixe tipo de calcers contra la caniella y o clavillar y privar asinas que caigan.

Son un elemento tipico de calcers rusticos y simples, propios d'o medio rural, y muit especialment d'as abarcas (d'as cuals en quitan ixe nombre).

En a cultura popular

En l'Alto Aragón i ha una copleta popular que as mienta a modo d'indicador de la orichen montanyesa d'a muller, a qui se pretende meter en valor, por comparanza con os estilos de calcero mas finos que s'atribuye a las mozas de Tierra plana. Una versión común d'ista copla estaría:

Con abarcas y abarqueras

mas vale una montañesa,

que una de Tierra Plana

con zapatitos y medias.

A musicologa y divulgadora belsetana Isabel Riazuelo tamién replega una atra versión d'ista copla, propia d'a suya villa en Sobrarbe:

Mas valen las abarqueras

que llevan las belsetanas,

que el pañuelo de seda

que llevan las riberanas.[1]

En a montanya navarra existe una atra versión de la mesma copleta, con un significau parellano:

De la montaña bajaste,

con abarcas y abarqueras

y en la Ribera te has puesto

zapato y medias de seda.[2]

Referencias

1. (es) RIAZUELO FANTOVA, Isabel, Danzas de Sobrarbe; Ed. Sender d'Edizions + Ayuntamiento de Bielsa. Zaragoza, 2001. ISBN 84-606-3090-0
2. Inventario Dieta Mediterránea, consultau o 10 d'agosto de 2018.

• Datos: Q65395321