Филиппинда C-130 һәлакәте (2021)

Филиппин Хәрби-һава көчләре
Lockheed C-130 Hercules
Гомуми мәгълүмат
Дата	4 июль, 2021 ел
Вакыт	11:30 (UTC+8)
Афәт төре	җиргә егылып төшү, яну
Сәбәп	тикшерелә (техник җитешсезлекләр , очып китү-утыру полосасыннан читкә чыгу)
Урын	Филиппин, Патикул
Үлүчеләр	50 (якынча яртысы)
Очкыч
Очкыч төре	Lockheed C-130 Hercules
Aвиаширкәт	Филиппин ХҺК
Борт номеры	5125
Очып китү урыны	Пасай (Филипин)
Очып килү урыны	Холо (Филипин)
Чыгарылу вакыты	1988
Юлчылар саны	88 (96)
Экипаж саны	8
Исән калганнар	49

2021 елның 4 июлендә Филиппин Хәрби-һава көчләренең (PAF) Lockheed C-130 Hercules самолеты Патикул (Сулу, Филиппин) шәһәре янында һәлакәткә очраган. Казада, ким дигәндә, 50 кеше һәлак булган, шулардан 47 кеше самолетта һәм тагын 3 есе җирдә һәлак булган. Очкыч Холо утравына террорчылык белән көрәш өчен юнәлгән хәрбиләрне алып барган. Бу вакыйга – Филиппинның хәрби тарихында иң куркыныч авиация һәлакәтләренең берсе, июнь-июль айларында Филиппинда икенче авиаһәлакәт[1].

Мәгълүмат

Очкыч

Һәлакәткә очраган очкыч ― Lockheed C-130 Hercules, борт номеры ― 5125[2]. Элек Америка Кушма Штатлары Хәрби-һава көчләренең очкычы булган. Филиппин Хәрби-һава көчләре (PAF) очкычны Кушма Штатлар Хөкүмәтенең оборона һәм куркынычсызлык өлкәсендә хезмәттәшлек буенча агентлык гранты хисабына 2021 елның гыйнварында сатып алган булган[3].

Каза

2021 елның 4 июлендә очкыч Филиппинның Пасай шәһәрендәге Вильямор авиабазасыннан (en) очып китә һәм Кагаян-де-Оро шәһәрендәге Лумбия аэродромына (en) юл тота. Кагаян-де-Ородан очкыч хәрбиләрне Холо (en) шәһәренә (Сулу провинциясе) илтә китә[4]. Сәгать 11: 30 да (UTC+8) очкыч Холо аэропортына утырырга омтылганда һәлакәткә очрый[5][6][7]. Очкыч очып китү-утыру полосасыннан читкә чыга, якындагы Патикул шәһәренең аз халык яши торган районында карьерга бәрелә һәм җиргә мәтәлеп төшеп яна [8][9][10].

Һәлакәт булган вакытта бортта 96 пассажир, шул исәптән 3 пилот, 5 экипаж әгъзасы һәм 84 Филиппин армиясе хәрбиләре булган [11][12]. Бортта шулай ук биш хәрби машина булган [13] .

Бортта 47 пассажир һәм 3 граждан заты һәлак булган, шул ук вакытта бортта 49 пассажир һәм җирдә 4 граждан заты җәрәхәт алган.[14]

Бу вакыйга – Филиппинның хәрби тарихында иң куркыныч авиация һәлакәтләренең берсе[15].

Хәрбиләр һәлакәт самолетка һөҗүм итү аркасында килеп чыккан дигән фаразны төшереп калдыра[16].

Кайтаваз

Филиппин хәрбиләренең Сулу берләштерелгән оператив төркеме (Jtf Сулу) һәлак булганнарның гәүдәләрен эзләү-коткару эшләре үткәрә, шулай ук исән калганнарга ярдәм күрсәтә [17].

Филиппин Милли полициясенең Бангсаморо (en) автономияле районы полиция төбәк бүлекчәсенә (PRO BAR) шулай ук хәлгә бәйле рәвештә урыннарда хәрбиләргә һәм зыян күргән граждан затларына ярдәм күрсәтү йөкләнгән [18]. Америка Кушма Штатларының Маниладагы илчелеге шулай ук авиакатастрофада зыян күрүчеләргә медицина ярдәме күрсәтергә сүз биргән [19].

Искәрмәләр

1. Филиппинда хәрби очкыч казасы: корбаннар саны 50гә җиткән. Азатлык радиосы, 5.07.2021
2. Philippine Air Force C-130H plane crashes in Sulu – Manila Bulletin, Manila Bulletin (July 4, 2021).
3. Air Force gets C-130H aircraft from US (January 30, 2021).
4. At least 17 dead, 40 rescued in C130 plane crash in Sulu - DND chief (ингл.), ABS-CBN News (July 4, 2021).
5. C-130 crashes in Patikul, Sulu (July 4, 2021).
6. Philippines military plane crashes with 92 on board, BBC News, BBC (July 4, 2021).
7. Philippine Air Force C-130 plane crashes in Sulu, GMA News (July 4, 2021).
8. C-130 plane crashes near Jolo; at least 85 on board, MindaNews (4 July 2021).
9. 'We are in rescue mode': Dozens dead after Philippines' worst military air disaster in nearly 30 years, SBS News (July 4, 2021).
10. 17 dead, 40 injured after Philippine Air Force plane crashes in Sulu, CNN Philippines (July 4, 2021). 2021 елның 4 июль көнендә архивланган.
11. Philippines: Military plane crash kills at least 45. Deutsche Welle (4 July 2021).
12. At least 17 killed, 40 wounded in Sulu military plane crash, GMA News (July 4, 2021).
13. Most victims in Sulu plane crash new soldiers from 4th Infantry Division (ингл.), Rappler (July 4, 2021).
14. Philippines' plane crash kills 47, injures 49; probe ordered, Reuters (July 4, 2021).
15. 29 killed in Philippine military plane crash, France 24 (July 4, 2021).
16. Military rules out attack on cargo plane in Sulu crash, GMA News (July 4, 2021).
17. Philippine military transport crashes, killing dozens (en-US), Washington Post.
18. Death toll rises in C-130 plane crash in Sulu, ABS-CBN News (4 July 2021).
19. US Embassy readies medical aid for survivors of Sulu plane crash, GMA News (4 July 2021).