Туймазы хәбәрләре

Туймазы хәбәрләре
Туймазинский вестник
Tөр	Иҗтимагый-сәяси
Гамәлгә куючы	Башкортстан Республикасының Матбугат һәм киң мәгълүмат чаралары идарәсе
Нәшер итүче	Башкортстан Республикасының «Туймазинский вестник» редакция-нәшрият комплексы дәүләт-унитар предприятиесе
Баш мөхәрир	Гөлназ Ермохина
Штат корреспондентлары	24
Нигезләнгән	1930
Тел	татар теле
Төп офис	Русия, Башкортстан, Туймазы районы, Туймазы шәһәре, Мичурин ур., 21 б
Тиражы	гомуми ~17 000
Веб-сайт: http://tuvest.ru/

Туймазы хәбәрләре - татар телендә Башкортстанның Туймазы районында һәм Туймазы шәһәрендә нәшер ителүче дәүләт иҗтимагый - сәяси газетасы. Атнага дүрт тапкыр чыга. русча «Туймазинские вести» гәҗите , айга 1 тапкыр башк. «Йәнтөйәк» (Кече Ватан) кушымта - гәҗите чыга. Гомуми тираж – 17 000 данә.[1]

Тарих

1930 елда Туймазы районы оештырылгач[2], 29 ноябрьдә «Ленин юлы» исеме белән татарча район гәҗите нәшер ителә башлый. Башкортстандагы беренче 4 район гәзитенең берсе.[3] Атнага 1 150 данә тираж белән чыккан [4]. 1934 елга 3 000 тираж җыя.

Газетаның оештыручысы һәм беренче мөхәррире - Баязит Дим (Баязит Баянов), җаваплы сәркатибе Баязит Бикбай була.[5] Газетада шул вакытта Рәшит Нигъмәти дә эшли.[6] Газетада Тимер Арслан эшләп ала. Туймазыга килгәндә Муса Җәлилнең газета редакциясендә булуы мәгълүм. Русча нөсхәсендә Евгений Столяров (соңыннан Башнефть башлыгы) эшли.

1931 елда район гәҗите Бүздәк, Бакалы районы халкына да таратыла башлый.[7]

1938 елның 29 августыннан 1 000 данә русча «Путь Ленина» чыга башлый.

1956 елның июлендә гәҗитләрне «Ленин юлы» / «Путь Ленина» исемендә берләштерәләр.

Районнарны эреләндерү сәясәте вакытында «Ленин юлы» гәҗите республика гәҗите статусын алып Октябрьскида нәшер ителә.

1965 елның гыйнварыннан русча «Ленинский путь» / татарча «Ленин юлы» исеме белән чыга.

1993 елның гыйнварыннан «Туймазы хәбәрләре» / «Туймазинский вестник» исемен ала.

2006 елдан башк. «Йәнтөйәк» (Кече Ватан) кушымта - гәҗите чыгарыла.

Бүген

Башкортстанның «Туймазы хәбәрләре – Туймазинский вестник» мөхәрририят - нәшрият комплексы дәүләт унитар оешмасына мөхәрририят, басмаханә, дизайн үзәге, гәҗиткә яздыру һәм тарату хезмәтләре, 2 сәүдә ноктасы керә. Тиражы 16 меңнән арта – республиканың шәһәр һәм район гәҗитләре арасында иң югарылардан.

Бүләкләре

• 2012 – «Матбугатның алтын фонды» («Золотой фонд прессы») тамгасы иясе
• 2014 - Бөтенрусия «Панацея» җирле басмалар конкурсының призы иясе [8]

Фикер

Гөлназ Ермохина(баш мөхәррир): «Һәр атнада мөхәрририят киңәшмәсендә туймазылыларның нинди шатлык - борчулары булуын, аларның беренче чиратта нинди сорауларга җавап көткәнен ачыкларга тырышабыз. Киңәш - сораулары белән булышкан укучыларыбызга без бик рәхмәтле.»

Укучы: «Гәҗиттән халык һәрвакыт хакимияттән риза булган Совет заманы исе килә. Гәҗиттә «кичәге көн» артык күп. Пенсиядәгеләр җилкәсендә һәм реклама белән генә «киләчәк»кә барып булмый, яшьләр темасын көчәйтергә кирәк. Гәҗитне внедорожник белән чагыштырсаң, ат көче зур, тик барлык куәтенә генә бармый [9]»

Чыганаклар

• Гәҗитнең сайты 2014 елның 12 ноябрь көнендә архивланган.

Моны да карагыз

• «Классташлар»дагы бите
• Башкортстанның район гәҗитләре

Искәрмәләр

1. Пресса РБ(үле сылтама)
2. постановление Президиума ВЦИК РБ от 20 августа 1930 года
3. архив күчермәсе, archived from the original on 2014-08-14, retrieved 2014-09-03 
4. БР журналистлар берлеге сайты, archived from the original on 2013-10-12, retrieved 2014-09-02 
5. туймазы китапханәсе сайтында
6. башинформ сайтында, archived from the original on 2016-03-04, retrieved 2014-11-01 
7. История отливалась в газетные строки(үле сылтама)
8. Башинформ
9. гәҗит сайтыннан(үле сылтама)