Мөнир Кунафин

Мөнир Кунафин
М.С. Кунафин
Туу датасы:	17 март 1971(1971-03-17) (53 яшь)
Туу урыны:	СССР, РСФСР, БАССР, Гафури районы, Сәетбаба
Ватандашлык:	СССР РФ
Эшчәнлек төре:	журналист, шагыйрь
Юнәлеш:	поэзия, проза, драматургия
Жанр:	шигырь, пьеса, хикәя
Иҗат итү теле:	башкорт теле
Дебют:	«Шундый мәлем» (2001)
Бүләкләр:	Башкортстанның атказанган мәдәният хезмәткәре Шәһит Ходайбирдин премиясе

Мөнир Кунафин, Мөнир Сәхиулла улы Кунафин (баш. Ҡунафин Мөнир Сәхиулла улы, 1971 елның 17 марты, СССР, РСФСР, БАССР, Гафури районы, Сәетбаба) — журналист, шагыйрь. «Шоңкар» (2012―2020), «Агыйдел» (2020 елдан) журналларының баш мөхәррире. РФ һәм БР язучылар һәм журналистлар берлекләре әгъзасы (2005 елдан). БР атказанган мәдәният хезмәткәре (2015)[1]. Шәһит Ходайбирдин премиясе лауреаты (2023).

Тәрҗемәи хәле

1971 елның 17 мартында БАССР Гафури районы Сәетбаба авылында туган. Уфада Р. Гарипов исемендәге гимназия-интернатны (1988), Башкорт дәүләт университетының филология факультетын (1993) тәмамлаган.

Хезмәт юлы

Эшчәнлеге журналистика белән бәйле.

• «Йәшлек» газетасында (Уфа) бүлек мөдире, җаваплы сәркатип, баш мөхәррир урынбасары.
• «Ватандаш» журналында (Уфа) бүлек мөдире.
• 2012 елдан «Шоңкар» журналында баш мөхәррир (директор).
• 2020 елдан «Агыйдел» журналының баш мөхәррире[2].

Иҗаты

«Хәерчедән хәер сорамагыз»

Хәерчедән хәер сорамагыз,
Хәерченең булмый байлыгы.
Мөнирдән сез йөрәк сорамагыз,
Оныткан ул йөрәк барлыгын.

Оныткан ул җирдә яшәвен дә,
Олимп тавын да ул эзләми,
Дөнья кинәт якты нурга чумды-
Шырпы яткан икән кесәдә...
Мөнир Кунафин

Поэзия, проза, драматургия өлкәләрендә иҗат итә. Уфада «Китап» нәшриятында берничә китабы нәшер ителгән. «Бельские просторы» журналында «Артта — Мәскәү» (Позади Москва), «Авылга Аллаһы килер...яки Туктап калган вакыт» (В деревню явится Бог...или Остановившееся время), «Кайнозой» әсәрләре басылып чыккан.

Әсәрләре театр сәхнәсендә

• Стәрлетамак драма театрында «Тыңлыйк вакыт акканын» (Раб божий предполагает) пьесасы уйнала.[3]
• 2023 елда Туймазы татар драма театры «Тәңре өрек капканда...» повесте буенча «Синең өчен үзем үләрмен» спектаклен сәхнәләштерә (режиссер Айдар Зарипов, композитор Вәсил Гафаров). Премьерасы ― 9 июньдә. [4]

Китаплары

• Шундый мәлем. Уфа: Китап, 2001.(башк.)
• Гомер дигәннәре. Уфа: Китап, 2005.(башк.)
• Тәңре өрек капканда. Уфа: Китап, 2012.(башк.)

Гаиләсе

Хатыны Гөлшат — «Башкортстан кызы» журналында хәбәрче, улы — Ядкәр (2004).

Бүләкләре, мактаулы исемнәре

• 2015 ― Башкортстанның атказанган мәдәният хезмәткәре.
• РФ, төбәкара, БР әдәби бәйгеләре[5] лауреаты.
• 2023 ― Шәһит Ходайбирдин премиясе ― «Бер гомер җитми икән» очеркы һәм «Кызарып чия пешкән мәл иде» юлъязмалары өчен[6].
• 2024 ― журналистика өлкәсендәге «Хакыйкать. Җаваплылык. Каһарманлык» республика конкурсының «Каһарманлык» номинациясендә («Басма киң мәгълүмат чаралары» категориясе) җиңүче (беренче урын, 300 мең сум)[7][8].

Искәрмәләр

1. БР хакимияте үзәк порталы, archived from the original on 2016-01-22, retrieved 2015-12-31 
2. Башкорт телендә чыгучы өч журналда баш мөхәррирләр алышына. Азатлык радиосы, 14.02.2020
3. «Бельские просторы» сайтында, archived from the original on 2016-03-05, retrieved 2015-12-31 
4. Ләйлә Аралбаева. Туймазы татар театры оло һәм саф һөйөү тураһында спекталь әҙерләй. Башинформ, 19.05.2023(башк.)
5. Китап бәйрәме
6. Журналистлар өчен Шаһит Ходайбирдин премиясенең 2023 елгы лауреатлары билгеле. Татар-информ, 9.11.2023
7. Әлфиә Әһлиуллина. Республикала журналистика өлкәһендәге конкурс еңеүселәре билдәле булды. Башинформ, 10.12.2024
8. Лейла Аралбаева. Журналисты Башкирии могут побороться за новую журналистскую премию. Башинформ, 3.09.2024

Сылтамалар

• «Классташлар»дагы сәхифәсе
• Илаһи күңелләрдә зар булмый. «Башкортстан», 2007 ел, апрель.

Моны да карагыз

• М. Кунафин шигырьләрен укый (видео, 2 мин.)