Айсылу Ягафәрова

Айсылу Ягафәрова Айһылыу Йәғәфәрова
Айсылу Ягафәрова
Тугач бирелгән исеме:	Айсылу Шәйхетдин кызы Ягафәрова
Туу датасы:	3 сентябрь 1948(1948-09-03) (76 яшь)
Туу урыны:	Әбҗәлил районы, Әхмәт авылы
Ватандашлык:	ССРБ ССРБ→ Россия Россия
Эшчәнлек төре:	язучы
Иҗат итү еллары:	1973-хәзергәчә
Юнәлеш:	проза, поэзия, драматургия
Жанр:	шигырь, роман,пьеса
Иҗат итү теле:	башкорт теле
Дебют:	«Муенса» (1973)
Премияләр:	Ким Әхмәтҗанов премиясе (1996) Рәмзилә Хисаметдинова премиясе (2008)
Бүләкләр:	(1986)

Айсылу Ягафәрова (Айсылу Шәйхетдин кызы Ягафәрова, баш. Айһылыу Шәйхетдин ҡыҙы Йәғәфәрова) – язучы. БР атказанган мәдәният (1993), мәгариф (1992) хезмәткәре.

Тәрҗемәи хәле

1948 елның 3 сентябрендә БАССР Әбҗәлил районы Әхмәт авылында туган. Уфада дәүләт университетын (1974) тәмамлаган. 1967-2004 елларда Әбҗәлил районы Кызыл Башкортстан бистәсе балалар бакчасында эшли (1976 елдан мөдир).

Иҗаты

Балалар язучысы булып таныла. Беренче шигырьләр җыентыгы – «Муенса» (1973). Бөек Ватан сугышы елларындагы авыл тормышына багышланган «Киленнәр» романын (2 китап, 1993, 1995) язды. Балалар өчен «Чәнечкеле күлмәк» (1973), «Саескан-хат ташучы» (1983), «Алтын тарак» (1986), «Курай» (1989), «Җил патшалыгында» (1993), «Зәңгәр чәч» (1996), «Сандугач җыры» (2001), «Тирмәкәй» (2005) китаплары нәшер ителгән. Агния Барто, А.С. Пушкин (2007), Самуил Маршак , Корней Чуковский шигырьләрен тәрҗемә итә. Балалар бакчалары өчен «Җәйгор» (2 китап, 1992-1995; 2000-2006) хрестоматиясе автордашы. «Кыпчак кызы» драмасы (2001) Уфада драма театрында, балалар өчен язылган пьесалары БР театрларында уйнала.[1]

Бүләкләре, мактаулы исемнәре

• Ким Әхмәтҗанов премиясе (1996)
• Рәмзилә Хисаметдинова премиясе (2008)
• БР атказанган мәгариф хезмәткәре (1992)
• БР атказанган мәдәният хезмәткәре (1993)
• Хезмәт Кызыл Байрагы ордены (1986)

ССРБ язучылар берлеге әгъзасы (1989)

Әдәбият

Р. Камал Башкорт прозасы мадонналары. «Ватандаш», 2001, № 3.

Чыганаклар

Совет Башкортстаны язучылары (биобиблиографик белешмәлек). Уфа, 1988 (башк.)

Сылтамалар

• Башкортстан (белешмәлек)(рус.)

Искәрмәләр

1. БР әдәби картасы