Абзак (Белорет районы)

Абзак
Тау сырты	Урал таулары
Дәүләт	Россия
Нәрсәнең башкаласы	Абзаковский сельсовет^[d][1]
Административ-территориаль берәмлек	Абзаковский сельсовет^[d][1] һәм Белорет районы
Халык саны	1286 (2002)[2], 1538 (2009)[2], 1331 (2010)[3]
Диңгез дәрәҗәсе өстендә биеклек	515 метр
Почта индексы	453565
Абзак Викиҗыентыкта

Абзак (баш. Абҙаҡ) ― Башкортстанның Белорет районында урнашкан авыл. Абзак авыл җирлегенең административ үзәге. Янәшәдә бер үк исемдәге тау чаңгысы курорты урнашкан. [4][5]
Почта индексы — 453565, ОКАТО коды — 80211804001.

Урнашуы

Авыл Башкортстанның көньяк-көнчыгышында, Кече Кызыл кушылдыгы ярында, Белорет шәһәреннән көньяк-көнчыгышка таба 20 км, Яңа Абзак тимер юл станциясеннән төньяк-көнбатышка таба 5 км читтәрәк урнашкан. Чиләбе өлкәсенең эре шәһәре Магнитогорскийдан авылга хәтле ― 60 км. Тирә-якта Кырыктытау сыртының Бикәмбәт һәм Һалмаурды таулары бар. Авылның төньяк-көнбатыш ягында Уралтау сырты сузылган.

Халык саны

2002[6]	2009[6]	2010[7]
1286	1538	1331

Тарих

Авылга якынча 1745 елда нигез салынган. Беренче атамасы – Төбәк. Абзак атамасы волость старшинасы, тархан улы Абзак Баемов исеменнән алынган. 1795 елда Абзак (Төбәк) авылы 13 Күбәләк волосте авылының иң зурысы була. 31 хуҗалыкта 219 кеше яшәгән. X ревизия (1859) 79 хуҗалыкта 638 кеше санаган. Совет чорындагы беренче җанисәп алу(рус.) нәтиҗәсе авыл халкының яртылаш кимүен күрсәтә.[8]

Авыл халкы терлекчелек белән шөгыльләнгән. XIX гасырның 40 нчы еллар башында 70 хуҗалыктан 65 е тирмә белән күчеп йөргән. Авылның 212 дисәтинә сөрү җире булган. Зур Кызыл елгасындә 7 тегермән тотканнар. [8]

Хәзерге вакытта авыл территориясендә мәктәп, амбулатория, мәдәният сарае, китапханә, мәчет, кайбер кунакханәләр урнашкан.

Авыл янәшәсеннән Р316 Стәрлетамак — Белорет — Магнитогорский автомобиль юлы уза.

Шәхесләр

• Роза Аккучукова (1950―2021), җырчы, Башкортстанның халык артисты (2009).
• Айгиз Баймөхәммәтов (1988), язучы, журналист, Шоңкар журналының баш мөхәррире (2020 елдан), Шәехзадә Бабич премиясе лауреаты (2015), Башкортстанның атказанган мәдәният хезмәткәре (2020).
• Әхмәт Лотфуллин (1928—2007), СССР (1989) һәм РСФСР (1982) халык, БАССР атказанган (1966) рәссамы. Абзакта балачагы узган, васыяте буенча шунда җирләнгән.

Искәрмәләр

1. ОКТМО
   https://wikidata.org/wiki/Track:P764https://wikidata.org/wiki/Track:Q4330203
2. Единый электронный справочник муниципальных районов Республики Башкортостан ВПН-2002 и 2009
3. Всероссийская перепись населения 2010 года. Численность населения по населённым пунктам Республики Башкортостан
   https://wikidata.org/wiki/Track:Q126723156
4. Абзаково горнолыжный курорт
5. Горнолыжный курорт Абзаково официальный сайт
6. Башкортостан Республикасының муниципаль районнары турындагы бердәм электрон белешмәсе — Excel форматындагы кушымта 2016 елның 4 март көнендә архивланган..
7. Башкортстан Җөмһүрияте торак нокталары буенча халык саны, archived from the original (PDF) on 2014-08-20, retrieved 2013-04-01 
8. Абзаково (Тубяк) . Генеалогия и архивы(рус.)

Сылтамалар

• Башкортостан Республикасының муниципаль берәмлекләр советы.
• Мин - Абҙаҡтан! ВКонтакте төркеме