«Рухият» фонды

Фонд тамгасы

«Рухият» фонды («Рухият» рухи яңарыш фонды) – «Татнефть» АҖ тарафыннан хәйриячелек максатларында булдырылган фонд. Рәсми статуска 1997 елның гыйнвареннан ия.

Фондны оештыручы – «Татнефть» АҖ.
Фонд шурасы рәисе – Р.Н. Мөхәммәдиев, «Татнефть» АҖ генераль директоры урынбасары.
Фонд башкарма директоры Н. Шәйхетдинова.
Фонд экспертлар шурасы рәисе И.З. Бәдретдинов.

Максат һәм бурычлары

Фонд чыгарган китап

Фонд чыгарган әдәбият

• Татарстанда мәдәният, әдәбият, сәнгать үсешенә ярдәм итү; мәдәният-мәгърифәт эшләрен оештыру;
• Татарстанның нефть районнарында рухи яңарышны һәм мәдәният тормышын активлаштыру;
• Әдәбият һәм сәнгать өлкәсендә конкурслар оештыру һәм здыру;
• Әдәбият һәм сәнгать өлкәсендә конкурслар нәтиҗәләре буенча премияләр булдыру һәм тапшыру;
• Сәләтле яшьләрне ачыклау һәм аларның иҗади үсешенә ярдәм итү;
• Татарстанның нефть районнарында талантлы балаларны барлау, аларның сәләтен үстерүгә һәм сәнгать уку йортларында белем алуларына ярдәм итү.

Фестиваль-бәйгеләр

• 1997 елдан башлап балалар иҗаты буенча «Сайрар сандугач иле» төбәкара фестивале үткәрелеп килә. Җиңүчеләр 17 номинация буенча билгеләнә. 2011 елдан җиңүчеләргә стипендия дә билгеләнә.
• 2006 елдан башлап Саҗидә Сөләйманова премиясе бирелә. Һәр елны 6 язучыга премия тапшырыла, иҗат белән шөгыльләнүче 10 студентка 1 еллык стипендия билгеләнә.[1]
• 2006 елдан Саҗидә Сөләйманова исемендәге «Тормыш, исәнме!» республика студентлар иҗаты фестивале уздырыла.
• 2006 елдан балалар рәсем сәнгате буенча иҗади бәйге уздырыла.

Нәшрият

17 ел эчендә татар, рус, чуаш, инглиз телләрендә 307 000 тираж белән 170 исемдә китап чыгарган. 1998 елдан башлап китапларны тәкъдир итү кичәләре уздырыла.

Шәлкемнәр

• Шәхесләребез (Ризаэтдин Фәхретдин, Шиһабетдин Мәрҗәни, Газиз Гобәйдуллин, Салих Сәйдәшев, Рафаэль Төхвәтуллин, Рамазан Байтимеров, Зәкия Туишева һ.б.)
• Татар шигърияте җәүһәрләре (Саҗидә Сөләйманова, Гамил Әфзал, Әдип Маликов, Рәдиф Гаташ, Эльмира Шәрифуллина һ.б.)
• Милли җәүһәрләр (Гамил Әфзал, Хисам Камалов)
• Проза (Туфан Миңнуллин, Миргазыян Юныс, Мәдинә Маликова, Клара Булатова, Нур Әхмәдиев, Мөсәгыйть Хәбибуллин, Иван Павлов (чуаш телендә)
• Дебют (Ләйсән Кәшфиева, Рәмзия Габделхакова, Миңзифа Әхмәтшина, Нәфисә Сабирҗанова, Нәфкать Мостафин, Марат Морев һ.б.)
• Җыр китаплары (Разил Вәлиев, Шәмсия Җиһангирова, Луиза Батыр-Болгари һ.б.)
• Балалар өчен әдәбият (Рәшит Бәшәр, Илдус Диндаров, Марсель Галиев, Альберт Хәсәнов, Мөҗәһит Әхмәтҗанов һ.б.)
• Альбомнар, буклетлар («Татнефть», «Ринат Галиев», «Мәснәви Хәертдинов», «Ромашкино» һ.б.)
• Аудиокассеталар һәм CD-дисклар (Рәис Нәгыймов, «Хәзинәле җирдә җыр туа» һ.б.)

Хәйриячелек

• Бүләк итү көннәре – «Рухият» фонды чыгарган китапларны ТР районнары һәм шәһәрләре китапханәләренә һәм уку йортларына бушлай тапшыру.
• Иҗат коллективлары өчен сәхнә киемнәре һәм музыка уен кораллары юнәтү.
• Сәләтле балаларны һәм иҗат төркемнәрен бәйгеләргә җибәрү чыгымнарын каплау.
• ТР мәдәният уку йортларында укучы студентларны укыту хакын түләү.
• Югары күрсәткечкә ирешкән мәдәният эшлеклеләренә матди ярдәм күрсәтү.

Бүләкләре

• ТР мәдәният министрлыгы рәхмәт хатлары
• «Татнефть» АҖ мактау кәгазьләре
• Әлмәт районы хакимияте мактау кәгазьләре
• Россия балалар фестивальләрен оештыручыларның рәхмәт хатлары

Сылтамалар

• «Рухият» фонды рәсми сайты 2015 елның 18 февраль көнендә архивланган.
• «Рухият» фонды «Татнефть» рәсми сайтында 2015 елның 2 март көнендә архивланган.

Искәрмәләр

1. «Рухият» фонды сайтында, archived from the original on 2016-03-04, retrieved 2015-03-01