|
قفقاز پہاڑیاں
قفقاز یا کوہ قاف کالا سمندر تے کیسپیئن سمندر دے وشکار اک پربت دھارا اے ، جہڑا ایشیاء نوں یورپ توں وکھرا کردا اے ۔ کوہ قاف دے پربت دھارا دی سب توں اچی چوٹی کوہ البرز اے ، جہڑی 5642 میٹر اچی اے ۔ ایہہ حالے تیکر پکی گل نیں جے کوہ قاف ایشیاء چ اے یا یورپ چ اے ، اس لئی ایہہ وی پکی گل نئیں کہ یورپ دا سب توں اچا پہاڑ البرس اے یا الپس دے پربت دھارا دا ماؤنٹ بلانک اے جس دی اچائی 4806 میٹر اے ۔ کوہ قاف دے رہن والے زیادہ تر قبیلے مسلمان نیں۔  جغرافیہکوہ قاف یاں قفقاز ، روس دیاں مسلمان ریاستاں داغستان ، چیچنیا ، انگوشتیا ، کیبرڈینو بلکاریہ ، کراچائیوو چرکسیا تے اوسیتیا دے علاقےآں تے مشتمل اے ۔ گرجستان (جارجیا) ، آرمینیا تے آذربائیجان دے علاقے قفقاز پار دے علاقے چ شامل کیتے جاندے نیں ۔  لوکقفقاز دے رہن آلے بوہتے لوک مسلمان نیں ۔ پر کجھ علاقےآں چ روسی اثر پاروں آرتھوڈوکس سعائی اکثریت وی اے ۔ کوہ قاف دے رہن آلے لوکاں دا تعلق قفقاز دی مقامی نسل نال اے ۔ کجھ ریاستاں ترک نسل تے کجھایرانی نسل دے باسندےآں تے وی مشتمل نیں ۔ بولیاں
کوہ قاف دیاں بوہتیاں قوماں مقامی پہاڑی بولیاں بولدیاں نیں جناں دی گنتی سینکڑےآں چ اے ، صرف داغستان چ ای 40 توں ودھ نسلی گروہ نیں جہڑے سب اپنیاں اپنیاں بولیاں بولدے نیں ۔ کجھ بولیاں دے بولن آلے دی گنتی صرف ہزاراں چ اے ۔ ترک بولیاں دے گروہ دیاں بولیاں وی کجھ علاقےآں چ بولیاں جاندیاں ، جنہاں چ آذری بولی ، آذربائیجان تے داغستان دے کجھ علاقے چ بولی جاندی اے ۔ ایرانی بولیاں نال تعلق رکھن آلی بولیاں آرمینیا تے اوسیتیا چ بولیاں جاندیاں نیں ۔ دنیا دے پربت دھارے
|
|||||||||||||||||||||||||||||||||||||||||||||||||||||
Portal di Ensiklopedia Dunia
