സെന്റ് തോമസ് ഇവാഞ്ചലിക്കൽ സഭ

ഇംഗ്ലീഷ് വിലാസം

https://ml.wikipedia.org/wiki/St._Thomas_Evangelical_Church_of_India

സെന്റ് തോമസ് ഇവാഞ്ചലിക്കൽ ചർച്ച് ഓഫ് ഇന്ത്യ
ഔദ്യോഗിക ലോഗോ
സ്ഥാപകൻ	മാർത്തോമ്മാ ശ്ലീഹ (പരമ്പരാഗത വിശ്വാസം), കെ.എൻ. ദാനിയേൽ (പുനർനവീകരണം)
സ്വതന്ത്രമായത്	1961
അംഗീകാരം	സ്വതന്ത്ര എപ്പിസ്കോപ്പൽ സഭ
പരമാദ്ധ്യക്ഷൻ	ബിഷപ്പ് ഡോ. തോമസ് ഏബ്രഹാം (പ്രിസൈഡിങ് ബിഷപ്പ്)
ആസ്ഥാനം	തിരുവല്ല, കേരളം
ഭരണപ്രദേശം	ഇന്ത്യ (പ്രധാനമായി)
മേഖലകൾ	ഇന്ത്യ വടക്കേ അമേരിക്ക, കാനഡ, യൂറോപ്പ്, ഗ്രേറ്റ് ബ്രിട്ടൺ-ലണ്ടൻ & ബെൽഫാസ്റ്റ്, മദ്ധ്യപൂർവ്വദേശം, സിംഗപ്പൂർ
ഭാഷ	മലയാളം, ഇംഗ്ലീഷ്, തമിഴ്, ഹിന്ദി
അനുയായികൾ	50,000
വെബ്‌സൈറ്റ്	http://steci.org/

കേരളത്തിലെ ഒരു എപ്പിസ്കോപ്പൽ സഭയാണ് സെന്റ് തോമസ് ഇവാഞ്ചലിക്കൽ സഭ (St. Thomas Evangelical Church of India). മാർത്തോമാ ക്രിസ്ത്യാനി ചരിത്രപാരമ്പര്യത്തിൽ ഉള്ള ഈ സഭ 1960-കളിൽ മാർത്തോമ്മാ സഭയിൽ നിന്നു വേർപെട്ട് രൂപീകരിച്ചതാണ് . പത്തൊൻപതാം നൂറ്റാണ്ടിൽ മലങ്കര സഭയിൽ ഉണ്ടായ നവീകരണ തർക്കങ്ങളിലും പിന്നീടുണ്ടായ പിളർപ്പിലും മാർത്തോമ്മ സഭയുടെ ഭാഗമായി നിന്ന ഒരു വിഭാഗം ആളുകൾ 1961-ൽ അന്നത്തെ മാർത്തോമ്മാ മെത്രാപോലീത്ത ആയിരുന്ന യൂഹാനോൻ മാർത്തോമ്മായുടെ വിശ്വാസപരമായ ചില നിലപാടുകളിൽ പ്രതിഷേധിച്ചും, സഭയിലെ പുരോഗമന-പാരമ്പര്യ വാദികൾ തമ്മിലുള്ള തർക്കങ്ങളെത്തുടർന്നും, കെ.എൻ. ദാനിയേൽ എന്ന വ്യക്തിയുടെ നേതൃത്വത്തിൽ മാർത്തോമ്മാ സഭ വിട്ട് പോകുകയും സെന്റ് തോമസ് ഇവാഞ്ചലിക്കൽ സഭ എന്ന പേരിൽ പുതിയ സഭ സ്ഥാപിക്കുകയും ചെയ്തു.

രണ്ടാം നവീകരണം

മാതൃസഭയിൽനിന്ന് വേർപെട്ടതിന് ശേഷം ചില അടിസ്ഥാനപരമായ ആചാരങ്ങൾ ഈ സഭയിൽ നവീകരണത്തിന് വിധേയമായി;

• പ്രൈമാ സ്ക്രിപ്ചറായോട് (ബൈബിൾ പ്രഥമം, ഉന്നതം) ചേർന്നുനിൽക്കുന്ന ഉപദേശം ഉപേക്ഷിച്ച് സോളാ സ്ക്രിപ്ചറാ (ബൈബിൾ മാത്രം) എന്ന സിദ്ധാന്തം സ്വീകരിച്ചു[1].
• കൂദാശകളുടെ എണ്ണം ഏഴിൽനിന്ന് രണ്ടാക്കി കുറച്ചു (മാമോദീസ, വി. കുർബ്ബാന)
• വി. കുർബാനയുടെ അനുഷ്ഠാനം സ്വിങ്ഗ്ലിയൻ ദൈവശാസ്ത്രത്തിൽ (അപ്പവീഞ്ഞുകൾ പ്രതീകങ്ങൾ മാത്രം) അധിഷ്ഠിതമാക്കി.[2]
• കുർബ്ബാന തക്സാ പരിഷ്കരിച്ചു, സുറിയാനി പദങ്ങളെ ആരാധനയിൽ പൂർണ്ണമായി ഒഴിവാക്കി
• കാനോനിക നോമ്പുകളുടെ ആചരണം നിർത്തി
• ധൂപം, കുരിശ്, മെഴുകുതിരി, പള്ളിമണി തുടങ്ങിയ പല വസ്തുക്കളെയും പള്ളികളിൽ നിന്നും ആരാധനകളിൽനിന്നും ഒഴിവാക്കി
• തിരശീലയും, ത്രോണോസും ഇല്ലാത്ത മദ്ബഹാകൾ ഉപയോഗിക്കുന്നു
• ബിഷപ്പുമാർക്ക് വിവാഹം കഴിക്കുവാനുള്ള അവകാശം കൊടുത്തു
• ബിഷപ്പുമാരുടെ നാമകരണവും, അംശവസ്ത്രങ്ങളും സുറിയാനി പാരമ്പര്യത്തിൽനിന്ന് മാറ്റം വരുത്തി.

ബിഷപ്പുമാർ

1. ബിഷപ്പ് ഡോ. തോമസ് ഏബ്രഹാം (പ്രിസൈഡിങ് ബിഷപ്പ്) [3]
2. ബിഷപ്പ് ഡോ. ഏബ്രഹാം ചാക്കോ
3. ബിഷപ്പ് ഡോ. സി.വി. മാത്യു
4. ബിഷപ്പ് ഡോ. ടി.സി. ചെറിയാൻ
5. ബിഷപ്പ് ഡോ. എം.കെ. കോശി
6. ബിഷപ്പ് എ.ഐ. അലക്സാണ്ടർ

അവലംബം

1. റോയ് തോമസ് (വിവർത്തനം). വിശ്വാസം വിചാരണയിൽ (Faith On Trial) (1 ed.). മാർത്തോമ്മാ പബ്ലിക്കേഷൻ ബോർഡ്. p. 15. {{cite book}}: |access-date= requires |url= (help)
2. http://steci.org/fundamental-teachings/
3. "ആർക്കൈവ് പകർപ്പ്". Archived from the original on 2020-10-18. Retrieved 2020-10-18.

പുറത്തേക്കുള്ള കണ്ണികൾ

• സഭാ വെബ്സൈറ്റ്