Wilhelm Sulpiz Kurz

Wilhelm Sulpiz Kurz
Nayanak	5 Mayo 1834 Augsburg, Pagarian ti Bavaria
Natay	15 Enero 1878 Penang, Straits Settlements, Imperio a Britaniko
Alma mater	Unibersidad ti Munich

Ni Wilhelm Sulpiz Kurz (5 Mayo 1834 – 15 Enero 1878) ket maysa idi nga Aleman a botaniko ken ken direktor ti hardin iti Bogor, Laud a Java ken Kolkata.[1]

Nagtrabaho isu idiay India, Indonesia, Burma, Malaysia ken Singapur.[2]

Ti pagalagadan a pangyababaan ti mannurat iti Kurz ket inus-usar a mangitudo daytoy a tao a kas ti mannurat no agdakamat iti nagan a botaniko.[3]

Biag

Nayanak isuna idiay Munich, ken maysa nga estudiente ni Carl Friedrich Philipp von Martius. Gapu ta nakiringgor iti pamiliana, naglayag isuna iti Java ken simrek iti serbisio ngaOlandes, ken naggigian iti dayta kadagiti adu a tawen. Idi 1864 inawis isuna ni Thomas Anderson, a nagbisbisita kadagiti kolonia nga Olandes, a kumuyog nga agsubli kaniana idiay Calcutta a kas manangaywan iti herbario, ti maysa a puesto a tinengngelna aginggana idi pimmusay, ken nagpasayaat iti tulong daytoy iti botanika ti India.[4]

Masansan a naipatpatulo ni Kurz kadagiti mision ti botaniko. Sinukisokna ti Burma ken Pegu, ken naggigian iiday iti tallo a bulan iti Is-isla Andaman, a nangitedanna kadagiti adu a reporta idi 1870. Pimmusay isuna idiay Penang idi 15 Enero1878.[4]

Dagiti obra

Ti nangruna nga obra ni Kurz ket ti Forest Flora of British Burma, Calcutta, 1877, 2 vols. Nagsurat pay isuna kadagiti artikulo iti Journal of the Asiatic Society of Bengal ken ti Journal of Botany.[4]

Dagiti nagibasaran

1. "Abkürzungen Naturwissenschaftlicher Autorennamen in Meyers Konversationslexikon, 4. Auflage". retro|bib. Naala idi 2008-06-19. (iti Aleman)
2. Harvard University Herbaria. "Index of botanists". Naiyarkibo manipud iti kasisigud idi 2011-08-11. Naala idi 2008-02-27.
3. IPNI.  Kurz.
4. "Kurz, Sulpiz". Dictionary of National Biography (iti Ingles). Londres: Smith, Elder & Co. 1885–1900.

Pammadayaw

 Mangiraman daytoy nga artikulo iti teksto manipud iti pablaak a mabirukan itan iti dominio a publiko: "Kurz, Sulpiz". Dictionary of National Biography (iti Ingles). Londres: Smith, Elder & Co. 1885–1900.