Tristaniopsis laurina

Tristaniopsis laurina
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Myrtales
Pamilia:	Myrtaceae
Henero:	Tristaniopsis
Sebbangan:	T. laurina
Dua a nagan
Tristaniopsis laurina (Sm.) Peter G.Wilson & J.T.Waterh.

Ti Tristaniopsis laurina, ti water gum wenno kanooka iti Ingles, ket ti sebbangan ti kayo a patneng iti Australia. Daytoy ket kadawyan nga agtubo iti asideg ti akindaya nga aplaya ken iti igid dagiti waig, a dagiti puon ken dagiti sanga ket kaaduan nga agsukog iti turong ti anud ken mangited iti pakakitaan ti kaadalem ti layus.

Deskripsion

Ti Tristaniopsis laurina ket nabuntog nga agtubo, ken kadawyan a makaabot iti 15–30 kadapan (4.6–9.1 m) iti katayag. Adu ti sangsanga ti kayo, ken mabalin a maarbasan tapno matalinaay ti kompakto a sukog. Daytoy ket mabalin nga agtubo iti 128 kadapan (39 m) iti katayag kadagiti patneng a habitat.[1]

Dagiti sabong ket naraniag a duyaw ken addaan iti naiduma ken, iti sumagmamano a tao, nabangsit nga ayamuom.[2] Makaawisda kadagiti patneng a sebbangan ti uyokan. Kadawyanda nga agsabong iti naladaw a panagsusulbod wenno nasapa kalgaw.[3]

Panangimuyong

Ti Tristaniopsis laurina ket maimuyongan a kas maysa nga ornamental a kayo babaen dagiti nurseria iti mula, para iti panagusar kadagiti hardin ken dagiti pannagiladawan ti daga. Nadayeg daytoy gapu ta nalaka a maipatubo ken nasayaat a linong a kayo. Adu dagiti maimula kas kayo ti kalsada, a naipangpangruna idiay Sydney.

Kitaen pay

• Tristaniopsis collina, hill water gum
• Syzygium francisii, giant water gum
• Syzygium crebrinerve, black water gum

Dagiti nagibasaran

1. Floyd, A.G., Australian Rainforests in New South Wales Volume 2 – 1990 ISBN 0-949324-32-9, page 176
2. "Archive copy". Naiyarkibo manipud iti kasisigud idi 2016-03-03. Naala idi 2019-03-27.
3. "Tristaniopsis laurina (Standard)". San Marcos Growers. Naala idi 2009-04-04.

Dagiti akinruar a silpo

Dagiti midia a mainaig iti Tristaniopsis laurina iti Wikimedia Commons