Taxandria spathulata

Taxandria spathulata
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Myrtales
Pamilia:	Myrtaceae
Henero:	Taxandria
Sebbangan:	T. spathulata
Dua a nagan
Taxandria spathulata (Schauer) J.R.Wheeler & N.G.Marchant
Kapada a nagan
Agonis spathulata

TI Taxandria spathulata ket ti sebbangan ti bassit a mula nga agtubo iti igid ti akin-abagatan nga aplaya ti Akinlaud nga Australia.[1] Daytoy a mula ket dati a naidasig a kas Agonis spathulata ngem itan ket parte ti henero iti Taxandria.

Deskripsion

Narapis ti bassit a mula, nalinteg aginggana iti dumalapdap iti porma, kadawyan nga agtubo iti katayag iti 2 metro (7 ft).[1] Dagiti bulong ket kadawyan a 3 aginggana iti 7 milimetro (0.12 iti 0.28 in) iti kaatiddog.[2] Daytoy ket agsabong iti pagbaetan ti Septiembre ken Oktubre ken agpataud kadagiti puraw petalo a sabong[1] iti diametro iti agarup a 1 cm (0.39 in) nga agparang kadagiti nasamek a rimpuok kadagiti agarup a 20 a sabong. Ti tunggal maysa a sabong ket aglaon kadagiti agarup a 10 nga estambre, ti maysa ket kasumbangir iti tunggal maysa a sepalo ken petalo.[2]

Pannakaiwarwaras

Masansan a mabirukan kadagiti nasamek a pagtubuan ti babassit a mula ken kadagiti bassit a turod, kadagiti ababa a nabato a pantok, tantanap ken dagiti karuburoban ti aplya ken naiwarwaras iti igid ti abagatan nga aplaya kadagiti rehion ti Great Southern ken Goldfields-Esperance nga agtubo kadagiti nadarat, nasekka a daga kadagiti granito, spongelite wenno laterite.[1]

Pannakaidasig

Immuna a pormal a naipalawag a kas Agonis spathulata babaen ti botaniko a ni Johannes Conrad Schauer idi 1844 kas parte ti obra a Plantae Preissianae ni Johann Georg Christian Lehmann. Ti mula ket kanungpalan a naidasig manen iti T. spathulata iti maysa a rebision idi 2007 babaen da Wheeler aken Marchant iti baro a henero iti Taxandria.[3]

Dagiti nagibasaran

1. "Taxandria spathulata". FloraBase. Western Australian Government Department of Parks and Wildlife.
2. Margaret G. Corrick; Bruce Alexander Fuhrer (2009). Wildflowers of Southern Western Australia. Rosenberg Publishing. p. 111. ISBN 978-1-877058-84-4.
3. "Taxandria spathulata (Schauer) J.R.Wheeler & N.G.Marchant". Atlas of Living Australia. Global Biodiversity Information Facility. Naala idi 28 Disiembre 2016.