Ti Syzygium ket ti henero dagiti agsabsabong a mula a maitagikua iti pamilia ti mirtus, Myrtaceae. Ti henero ket buklen dagiti agarup a 1200–1800 a sebbangan,[3][4] ken addaan iti patneng a sakup a gumay-at manipud iti Aprika ken Madagascar babaen ti akin-abagatan nga Asia iti daya babaen ti Pasipiko.[5] Ti kaaduan ti agpang iti dibersidadna ket mapasamak manipud iti Malaysia aginggana iti amianan-akindaya nga Australia, nga adu kadagiti sebbangan ket di nasayaat nga ammo ken adu pay ti saan a taksonomiko a naipalawag.
Kaaduan dagiti sebbangan ket dagiti kankanayon a berde a kayo ken dagiti bassit a mula. Sumagmamano kadagiti sebbangan ket naimulmula a kas dagiti ornamental a mula para kadagiti napintas a nasileng a bulong, ken adda dagiti bassit nga agpataud kadagiti makan a bunga. Dagiti kangrunaan iti ekonomia a sebbangan ket ti cloveSyzygium aromaticum, a ti saan a nagukrad a sabong ket maysa a nangruna a rekado. Sumagmamano kadagiti makan a sebbangan ti Syzygium ket maimula kadagiti amin a paset ti tropiko iti sangalubongan, ken dagiti dadduma ket nagbalindan a makaraut a sebbangan kadagiti sumagmamano nga ekosistema ti isla. Dagiti nadumaduma a sebbangan ti Syzygium ket agbunga kadagiti makan ti tao, adu kadagitoy ti nanaganan iti "roseapple". Limapulo ket dua a sebbangan ti mabirukan idiay Australia ken kadawyanda nga ammo a kas lillipillies, brush cherries wenno satinash.[6]
Adda dagiti panawen a ti Syzygium ket taksonomiko idi a naiyallilaw iti henero ti Eugenia (ca. 1000 a sebbangan), ngem ti naud-udi a naibaga a henero ket addan iti kaaduan nga espesipiko a dibersidad kadagiti neotropiko. Adu kadagiti sebbangan ti dati a naiklase a kas Eugenia nga itan ket nairaman iti henero ti Syzygium, ngem ti dati a nagan ket mabalin nga adda latta a maibagbaga iti hortikultura.[6] Ti Syzygium Working Group, ti maysa nga internasional a grupo dagiti agsuksukisok, ket naporma idi bril 2016 iti maysa a gandat iti panagpataud iti monograpo ti Syzygium.[4]
^"Genus: Syzygium R. Br. ex Gaertn". Germplasm Resources Information Network. United States Department of Agriculture. 2009-01-27. Naala idi 2011-01-26.
^"WCSP". World Checklist of Selected Plant Families. Naala idi 8 Marso 2014.
^ abWrigley, John W.; Fagg, Murray A. (2003). Australian native plants: cultivation, use in landscaping and propagation (Fifth nga ed.). Australia: Reed New Holland. p. 696. ISBN1-876334-90-8.
^Little Jr., Elbert L.; Roger G. Skolmen (1989). "'Ōhi'a ha"(PDF). United States Forest Service. Naiyarkibo manipud iti kasisigud(PDF) idi 2013-11-05. Naala idi 2019-02-21. {{cite journal}}: Makasapul ti dakamat journal iti |journal= (tulong)
^Roskov Y., Kunze T.; Paglinawan L.; Orrell T.; Nicolson D.; Culham A.; Bailly N.; Kirk P.; Bourgoin T.; Baillargeon G.; Hernandez F.; De Wever A. (22 Hulio 2013). "Catalogue of Life". Species 2000: Reading, UK. Naiyarkibo manipud iti kasisigud idi 2016-12-26. Naala idi 2019-02-21.
^"GRIN Species Records of Syzygium". Germplasm Resources Information Network. United States Department of Agriculture. Naiyarkibo manipud iti kasisigud idi 2009-01-21. Naala idi 2011-01-26.
