|
Rehion ti Hokuriku
Ti Rehion ti Hokuriku (北陸地方, Hokuriku chihō) ket mabirukan idiay amianan a laud a paset iti Honshū, ti kangrunaan nga isla iti Hapon. Naisanglad daytoy iti igid ti Baybay ti Hapon iti uneg ti rehion ti Chūbu.[1] Gangani a kapadpadana daytoy ti Probinsia ti Koshi ken Hokurikudō a lugar iti sakbay a moderno a Hapón. Ti rehion ti Hokuriku ket makairaman kadagiti uppat a prepektura iti Ishikawa, Fukui, Niigata ken Toyama,[2] anupay kasta ti Niigata ket sagpaminsan a mairaman kadagiti sumaganad a rehion:
Dagiti kangrunaan a siudadDagiti kangrunaan a senttro ti populasion iti Hokuriku ket:
Kadagitoy, ti Niigata ket isu ti kadakkelan nga addaan iti populasion iti sumurok a 800,000. Dagiti industriaTi kangrunaan nga industria idiay Hokuriku a lugar ket mairaman dagiti kimiko, medisina, turismo, teltela ken makina ti tela, nadagsen a makina, panagtaltalon, ken panagkalap. Ti Koshihikari, daytoy ket maysa a nalatak a kita ti bagas ket naipangpangruna a produkto iti rehion ti Hokuriku. Klima Ti rehion ti Hokuriku ket addaan iti kaaduan ti tomo iti niebe kadagiti amina nataengan ken mamulaan a rehion iti lubong. Daytoy ket gapu iti namaga a Siberiano a masa ti angin, nga agparang-ay ti nagato a dam-eg iti rabaw ti Baybay ti Hapon, ket mapilit dagitoy nga agpangato no masabatda dagiti banbantay iti Honshū, nga agpataud dam-eg a paababaenna a kas ti niebe. Ti atiddog a tiempo ti panaglalam-ek ken napuskol a niebe iti daytoy a rehion ket nailadawan idiay Hokuetsu Seppu, ti maysa nga ensiklopedia nga obra iti naladaw a Edo a panawen a nagilanad ti biag idiay Uonuma a distrito iti Prepektura ti Niigata. Ti rehion ti Hokuriku ket isu pay ti disso para iti nobela ni Yasunari Kawabata a Niebe a Pagilian. Kitaen pay
Dagiti nagibasaran
|
||||||||||||||||||||
Portal di Ensiklopedia Dunia
