Prepektura ti Aichi

Prepektura ti Aichi 愛知県
Prepektura
Dagiti transkripsion a Hapon
• Hapon	愛知県
• Rōmaji	Aichi-ken
Simbolo ti Prepektura ti Aichi
Nagsasabtan: 35°10′49″N 136°54′23″ENagsasabtan: 35°10′49″N 136°54′23″E
Pagilian	Hapon
Rehion	Chūbu
Isla	Honshu
Kapitolio	Nagoya
Gobierno
• Gobernador	Hideaki Ōmura (manipud idi Pebrero 2011)
Kalawa
• Dagup	5,153.81 km^2 (1,989.90 sq mi)
• Ranggo	Maika-28
Populasion  (Pebrero 1, 2011)
• Dagup	7,408,640
• Ranggo	Maika-4
• Densidad	1,437.51/km^2 (3,723.1/sq mi)
Kodigo ti ISO 3166	JP-23
Distrito	7
Munisipalidad	54
Sabong	Kakitsubata (Iris laevigata)
Kayo	Hananoki (Acer pycnanthum)
Billit	Scops-owl (Otus scops japonicus)
Ikan	Kuruma prawn (Penaeus japonicus)
Website	pref.aichi.jp/global/en

Ti Prepektura ti Aichi (愛知県, Aichi-ken) ket maysa a prepektura ti Hapon a mabirukan idiay rehion ti Chūbu.[1] Ti rehion ti Aichi ket ammo pay a kas ti rehion ti Tōkai. Ti kapitoliona ket ti Nagoya. Isu daytoy ti sentro ti Metropolitano a Lugar ti Chūkyō.[2]

Pakasaritaan

Iti kasisigud, ti rehion ket nabingbingay idi kadagiti dua a probinsia ti Owari ken Mikawa.[3] Kalpasan ti Restorasion ti Meiji, ti Owari ken Mikawa ket naipagtipon iti maysa nga entidad. Idia 1871, kalpasan ti panagwaswas ti sistema ti han, ti Owari, malaksid ti Peninsua Chita, ket nabangon idi a kas Prepektura ti Nagoya, bayat a ti Mikawa a naipagtipon iti Peninsula Chita ket pinorma ti Prepektura ti Nukata. Ti Prepektura ti Nagoya ket nanaganan manen idi iti Prepektura ti Aichi idi Abril 1872, ken naitipon idi iti Prepektura ti Nukata idi Nobiembre 27 iti isu met laeng a tawen.

Ti gobierno ti Prepektura ti Aichi ket mabirukan idiay Opsina ti Gobierno ti Prektura ti Aichi idiay Nagoya ken isu daytoy idi ti daan a kapitolio ti Owari.

Etimolohia

Iti maikatlo a tomo ti Man'yōshū adda daniw babaen ni Takechi Kurohito a mabasa iti kastoy: "Ti sangit ti kannaway, a tumawtawag iti Sakurada; daytoy ket aguni a kas ti atab nga agy-ayus manipud kadagiti kalugnakan ti Ayuchi, a makangkangeg iti sangit ti kannaway". Ni Ayuchi ket isu ti kasisigud a porma ti nagan nga Aichi, ken ti atab ti Fujimae ket isu laengen ti nabati iti nasapsapa nga Ayuchi-gata. Daytoy ket nasalaknibanen a lugar.[4][5]

Heograpia

Satelite a ladawan ti Luek Mikawa

Nagoya

Inuyama

Gamagōri ken Luek Mikawa

Talon ti mirasol idiay Minamichita

Mabirukan daytoy iti asideg a sentro ti nangruna nga isla ti Hapon iti Honshu, ti Prepektura ti Aichi ket sanguenna ti Ise ken Luek Mikawa iti abagatan ken pagbeddenganna ti Prepektura ti Shizuoka iti daya, ti Prepektura ti Nagano iti amianan a daya, ti Prepektura ti Gifu iti amianan, ken Preektura ti Mie iti laud. Daytoy ket agrukod iti 106 km iti daya aginggana iti laud ken 94 km iti abagatan aginggana iti amianan ken mangporma iti nangruna a paset iti Tanap Nōbi. Iti kalawa iti 5,153.81 km^2 daytoy ket mangsakop iti agarup a 1.36% iti dagup a kalawa ti rabaw ti Hapon. Ti kangatuan a punto ket ti Chausuyama iti 1,415 m iti ngato ti pantar ti baybay.

Ti akinlaud a parte ti prepektura ket kaaduan babaen ti Nagoya, ti maikatlo a kadakkelan a siudad ti Hapon, ken dagiti suburbiona, bayat a ti akindaya a partena ket saan unay a matagtagitao ngem aglaon pay met kadagiti industrial a sentro. Gapu ti kadur-as ti ekonomiana, manipud idi paset ti panawen idi Oktubre 2005 aginggana idi Oktubre 2006, ti Aichi ket isu idi ti kapardasan a dumakdakkel a prepektura iti termino iti populasion, ken inabakna ti Tokyo, iti 7.4 a porsiento.

Manipud idi Abril 1, 2012, 17% iti dagup a kalawa ti daga ti prepektura ket naidesignado idi a kas dagitiNatural a Parke, a kas dagiti nailian a parke ti Aichi Kōgen, Hida-Kisogawa, Mikawa Wan, ken ti Tenryū-Okumikawa iti igid dagiti pito Prepektural a Nailian a Parke.[6]

Dagiti siudad

Adda dagiti tallopulo ket walo a siudad a mabirukan iti Prepektura ti Aichi.

Aisai Ama Anjō Chiryū Chita

Gamagōri Handa Hekinan Ichinomiya Inazawa

Inuyama Iwakura Kariya Kasugai Kitanagoya

Kiyosu Komaki Kōnan Miyoshi Nagakute

Nagoya (kapitolio) Nishio Nisshin Okazaki Obu

Owariasahi Seto Shinshiro Tahara Takahama

Tokoname Tōkai Toyoake Toyohashi

Toyokawa Toyota Tsushima Yatomi

Dagiti ili ken dagiti purok

Mapa ti prepektura ti Aichi

Dagitoy dagiti ili ken dagiti purok iti tunggal maysa a distrito:

Distrito ti Aichi Tōgō Distrito ti Ama Kanie Ōharu Tobishima

Distrito ti Chita Agui Higashiura Mihama Minamichita Taketoyo

Distrito ti Kitashitara Shitara Tōei Toyone Distrito ti Nishikasugai Toyoyama

Distrito ti Niwa Fusō Ōguchi Distrito ti Nukata Kōta

Demograpia

Manipud idi 2001, ti populasion idi ti Prepektura ti Aichi ket 50.03% a lallaki ken 49.97% a babbai. Dagiti 139,540 nga agtataeng (gangani 2% iti populasion) ket dagiti ganganaet iti pakipagilian.

Populasion babaen ti tawen(2001)

Tawen	% populasion	% lalaki	% babai
0 – 9	10.21	10.45	9.96
10 – 19	10.75	11.02	10.48
20 – 29	15.23	15.71	14.75
30 – 39	14.81	15.31	14.30
40 – 49	12.21	12.41	12.01
50 – 59	15.22	15.31	15.12
60 – 69	11.31	11.22	11.41
70 – 79	6.76	6.01	7.52
Over 80	3.12	2.01	4.23
Di ammo	0.38	0.54	0.23

Dagiti nagibasaran

1. Nussbaum, Louis-Frédéric. (2005). "Aichi-ken" Japan Encyclopedia, p. 11, p. 11, iti Liblibro ti Google; "Chūbu" Japan Encyclopedia, p. 126, p. 126, iti Liblibro ti Google.
2. Nussbaum, "Nagoya" p. 685, p. 685, iti Liblibro ti Google.
3. Nussbaum, "Provinces and prefectures" Japan Encyclopedia, p. 780, p. 780, iti Liblibro ti Google.
4. "Summary of Aichi Prefecture". Aichi Prefecture. Naala idi 23 Marso 2011.
5. Kato, Sadamichi (2000). "Rediscovering an Ancient Poem to Save a Tidal Flat". International Studies in Literature and Environment. Oxford University Press. 7 (2): 189–197. doi:10.1093/isle/7.2.189.
6. "General overview of area figures for Natural Parks by prefecture" (PDF). Ministry of the Environment. Naala idi 8 Hulio 2012.

Dagiti akinruar a silpo

Dagiti midia a mainaig iti Prepektura ti Aichi iti Wikimedia Commons

• Pakaammo ti panagbiahe idiay Prepektura ti Aichi manipud iti Wikivoyage (iti Ingles)
  
• Opisial a website