Pagsasao nga Orang Kanaq

Orang Kanaq
Patubo iti	Malaysia
Patubo a mangisasao	80 (2007)[1]
Pamilia	Austronesio Malayo-Polinesio Nuklear a Malayo-Polinesio Malayiko Malayano Malayo? Orang Kanaq
Kodkodigo ti pagsasao
ISO 639-3	orn
Glottolog	oran1258
ELP	Orang Kanaq

Ti pagsasao nga Orang Kanaq ket ti maysa a sasao nga Aborihinal a Malayoken naigrupo daytoy babaen ti pamilia ti pamilia ti pagsasao nga Austronesio.[2] Daytoy ket insasao babaen dagiti Orang Kanaq, ti maysa kadagiti grupo ti Orang Asli nga agtataeng idiay Peninsular a Malaysia.

Ti Orang Kanaq ket karuay ti Malayo a naiduma manipud kadagiti dialekto a naisasao babaen dagiti etniko a Malayonga agtataeng iti asidegda.[3] Amin a kameng ti tribu Orang Kanaq ket mabalinda a maawatan ti pagsasao. Nupay kasta, tileksikon ti pagsasao ket adun a naimpluensiaan babaen ti pagsasao a Malayo.[1]

Dagiti agsasao

Dagiti Orang Kanaq ket kasisigud a maysa kadagiti tattao a Hitano ti Baybya, manipud iti Pulau Sekanak iti Is-isla Riau ti Indonesia. Nagrugrugida nga immakar iti Peninsular a Malaysia idi agarup a 1784. Iti immuna, nagtaengda idiay Mawai Lama, Kota Tinggi ngem immalisda idiay Selayang idi las-ud ti Emerhensia a Malayano idi las-ud dagiti tawen ti 1950.[4] Iti agdama, mabirukan isuda idiay Kampung Sungai Selangi, Mawai, Kota Tinggi. Maikeddeng isuda a kas maysa kadagiti kasapaan a nagtagtagitao ti pagilian urayno agatatengda laeng iti Peninsula kadagiti napalabas a 200 a tawen.

Kadagiti 147,412 nga Orang Asli manipud kadagiti 18 a tribu idiay Malaysia, dagiti Kanaq ket mangbukel ti kabassitan a bilang. Dagiti mangtagtagitao ti purok ti Sungai Selangi ket mangbukel ti 87 a tattao nga Orang Kanaq, mairaman dagiti 3 a Malayo, manipud kadagiti 23 a pamilia. Ti purok ket napundar idi 1965,kadagiti laeng 40 Kanaq nga agtataeng manipud kadagiti 10 a pamilia.[5]

Kitaen pay

• Sasao nga Austronesio
• Sasao a Malayo
• Sasao nga Aborihinal a Malayo

Dagiti nagibasaran

1. http://psasir.upm.edu.my/6750/1/UKM_2007_4(1-24).pdf^[permanente a natay a silpo]
2. "Archive copy". Naiyarkibo manipud iti kasisigud idi 2016-05-30. Naala idi 2016-11-04.
3. http://www.kitlv-journals.nl/index.php/btlv/article/viewFile/2923/3684
4. http://www.unhcr.org/refworld/topic,463af2212,497478492,49749ce85,0.html
5. "Archive copy". Naiyarkibo manipud iti kasisigud idi 2012-08-01. Naala idi 2016-11-04.

Adu pay a mabasbasa

• bin Abdul, Omar, 1978. The Orang Kanaq of southeastern Johor: a preliminary ethnography (No. 7). Social Anthropology Section, School of Comparative Social Sciences, Universiti Sains Malaysia.
• bin Abdul, Omar. 1985. "The Diversified Economy of the Orang Kanaq of Southeastern Johor, Malaysia." Contributions to Southeast Asian Ethnography 4: 31–74.