Pagsasao nga Indones

Indones
Bahasa Indonesia
Patubo iti	Indonesia
Patubo a mangisasao	43 a riwriw (2010)[1] Dagiti L2 nga agsasao: 156 a riwriw (senso idi 2010)[1]
Pamilia	Austronesio Malayo-Polinesio Nuklear a Malayo-Polinesio Malayo-Sumbawano Malayiko Malayano Malayo Malacca ("Riau") Malay Indones
Panagsurat	Latin (Alpabeto nga Indones) Braille nga Indones
Dagiti napirmaan a porma	Sistem Isyarat Bahasa Indonesia
Opisial a kasasaad
Opisial a mangisasao	Indonesia
Pakabigbigan a minoridad a pagsasao	Daya a Timor[2]
Nagalagad	Badan Pengembangan dan Pembinaan Bahasa
Kodkodigo ti pagsasao
ISO 639-1	id
ISO 639-2	ind
ISO 639-3	ind
Glottolog	indo1316
Linguaesperio	31-MFA-ac
Pagpagilian iti lubong a ti Indones ket ti kaaduan a patneng a pagsasao   Pagpagilian a ti Indones ket minoridad a pagsasao

Ti Indones[3] (Bahasa Indonesia) ket isu ti opisial a pagsasao iti Indonesia. Daytoy ket maysa a naiyalagad a rehistrar iti Malaka a dialekto iti Malayo, maysa nga Austronesio a pagsasao a naus-usaren idi a kas maysa a lingua franca iti purpuro ti Indonesia kadagiti napalabas a sig-siglo.

Ti Indonesia ket isu ti maikapat a kapusekan ti populasion a pagilian iti lubong. Iti daytoy a dakkel a populasionna, ti bilang dagiti tattao a nalaing nga agsao iti Indones ket agbalbalinen a makaabot ti agarup a 100%, nga agpabalin iti Indones, ken ti Malayo, a maysa kadagiti kaaduan a maisasao a pagsasao iti lubong.[4]

Kaaduan kadagiti Indones, malaksid ti panagsasao iti nailian a pagsasao, ket kadawyanda a nalaing nga agsao iti sabali pay a rehional a pagsaso (kas pagarigan ket mairaman ti Habanes, Minangkabau ken Sundanes) a dagitoy ket kadawyan a maus-usar kadagiti balbalay ken iti kaunegan dagiti komunidad. Kaaduan kadagiti pormal nga edukasion, ken kaasitgan amin dagiti nailian a midia ken dagiti sabsabali a kita ti pannakisarita, ket nakababalin nga inus-usar ti Indones. Idiay Daya a Timor, nga isu daytoy idi ket maysa a probinsia ti Indonesia manipud idi 1975 aginggana idi 1999, ti Indones ket isu ti mabigbigan babaen ti batay-linteg a kas maysa kadagiti dua a pagsasao ti panagobra (ti sabali pay ket ti Ingles), a kudua dagiti opisial a pagsasao iti Tetum ken Portuges.

Ti Indones a nagan para iti daytoy a pagsasao ket Bahasa Indonesia (literal a "ti pagsasao iti Indonesia"). Daytoy a sao ket sagpaminsan a mabirukan pay iti naisuratan wenno naisasao nga Ingles. Ti pay maipatinayon, daytoy a pagsasao ket sagpaminsan pay a makunkuna a kas "Bahasa" babaen dagiti agsasao iti Ingles, ngem daytoy ket kayatna a sawen laeng ket "pagsasao" ken isu ngarud a saanna a teknikal a mainaganan ti pagsasao nga Indones.

Heograpiko a pannakaiwarwaras

Idi 2010, ti Indones ket addaan kadagiti 42.8 a riwriw a patneng nga agsasao, ken 154.9 a riwriw a nangisasao a kas maikadua a pagsasao,[1] a nagisasao daytoy a maikuyog dagiti lokal a nakaiyanakada a dila, ka mangited daytoy iti dagup a bilang dagiti agsasao idiay Indonesia iti 197.7 a riwriw.[1] Daytoy ket kadawyan a kas umuna a pagsasao kadagiti urbano a lugar, ken kas maikadua a pagsasao babaen dagiti agtataeng kadagiti adu pay nga away a parte ti Indonesia.

Dagiti nagibasaran

1. Badan Pusat Statistik / Statistics Indonesia. Penduduk Indonesia: Hasil Sensus Penduduk 2010 / Population of Indonesia: Result of Indonesia Population Census 2010 (iti Indones ken Ingles). pp. 421, 427. Naiyarkibo manipud iti kasisigud idi 2 Abril 2015. Naala idi 12 Abril 2015.
2. "East Timor Languages". easttimorgovernment.com (iti Ingles).
3. Rubino, Carl Ralph Galvez (2000). "Indones". Ilocano Dictionary and Grammar: Ilocano-English, English-Ilocano (iti Ingles ken Ilokano). University of Hawaiʻi Press. p. 222. ISBN 978-0-8248-2088-6.
4. Sneddon, James N. (2004). The Indonesian Language: Its History and Role in Modern Society [Ti Pagsasao nga Indones: Ti Pakasaritaanna ken Pabuyan iti Moderno a Kagimongan] (iti Ingles). UNSW Press. p. 14.