Pagsasao a Halang

Halang
Rehion	Probinsia ti Kon Tum (Bietnam), Probinsia ti Attapu (Laos)
Patubo a mangisasao	(14,000 idiay Bietnam ti nadakamat idi 2000)[1] 4,000 idiay Laos (awan ti petsa)[2]
Pamilia	Austroasiatiko Bahnariko Amianan Halang
Kodkodigo ti pagsasao
ISO 639-3	hal
Glottolog	hala1252

Ti pagsasao a Halang, ammo pay a kas Salang, ket ti pagsasao a Bahnariko ti sanga ti Mon–Khmer ti pamilia ti pagsasao nga Austroasiatiko. Daytoy ket insasao idiay akin-abagatan a probinsia ti Laos iti Attapu babaen dagiti agarup a4,000 a tattao ken iti kaarruba a Probinsia ti Kon Tum ti Bietnam babaen dagiti agarup a 20,000 a tattao.[1] Idiay Bietnam, naisasao ti Halang idiay Komuna ti Đắk Na, Distrito ti Đắk Tô, Probinsia ti Kon Tum (Lê et. al 2014:175)[3]

Iti naisangayan a panagusar, ti Halang ket mangibagabga iti dialekto a naisasao idiay Bietnam, bayat a ti Salang ket mangibagbaga ti dialekto a naisasao idiay Laos. Ti Halang wenno Salang ket mabalin pay nga agserbi a kas etnonimo para kadagiti kameng ti grupo ti etniko nga agsasao iti pagsasao. Nupa kasta, idiay Bietnam, dagiti agsasao ti Halang ket opisial a naidasig a kas subgrupo ti dakdakkel nga etnisidad ti Sedang.

Dagiti nagibasaran

1. Halang iti Ethnologue (Maika-18 nga ed., 2015)
2. Pagsasao a Halang iti Ethnologue (Maika-15 nga ed., 2005)
3. Lê Bá Thảo, Hoàng Ma, et. al; Viện hàn lâm khoa học xã hội Việt Nam – Viện dân tộc học. 2014. Các dân tộc ít người ở Việt Nam: các tỉnh phía nam. Ha Noi: Nhà xuất bản khoa học xã hội. ISBN 978-604-90-2436-8