Hypocalymma xanthopetalum

Hypocalymma xanthopetalum
Hypocalymma xanthopetalum
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Myrtales
Pamilia:	Myrtaceae
Henero:	Hypocalymma
Sebbangan:	H. xanthopetalum
Dua a nagan
Hypocalymma xanthopetalum F.Muell.
Kapada a nagan
Hypocalymma ciliatum Turcz. Hypocalymma cuneatum Turcz. .

Ti Hypocalymma xanthopetalum ket ti sebbangan ti mula iti pamilia ti Myrtaceae nga endemiko iti rehion ti abagatan laud iti Akinlaud nga Australia.[1]

Daytoy ket agtubo iti pagbaetan ti 0.15 ken 1 a metro iti katayag ken agpataud kadagiti duyaw wenno narangha a sabong iti pagbaetan ti Hulio ken Oktubre (tengnga ti panaglalam-ek aginggana iti tengnga ti panagsusulbod) iti patneng a sakupna.

Ti sebbangan ket immuna a pormal nga impalawag babaen ti botaniko ti Victoriano a Gobierno a ni Ferdinand von Mueller iti Fragmenta Phytographiae Australiae idi 1860.[2]

Panangimuyong

Daytoy a sebbangan ket mabalin a mataripato iti pannagimuyong a kas maysa a nasayaat a bassit a mula ken nasayaat a maimula iti maysa a masetera.[3] Daytoy ket makasapul iti nasayaat a pagayusan iti danum ken agkaykayat iti napno nga init wenno bassit a linong.[3] Daytoy ket makaibtur bassit iti nayelo a linnaaw.[3]

Dagiti nagibasaran

1. "Hypocalymma xanthopetalum F.Muell". FloraBase. Western Australian Government Department of Parks and Wildlife.
2. "Hypocalymma xanthopetalum F.Muell". Australian Plant Name Index (APNI), datos a batayan ti IBIS. Sentro para iti Biodibersidad a Panagsukisok ti Mula, Gobierno ti Australia.
3. Greig, D. (1987). The Australian Gardener's Wildflower Catalogue. Australia: Angus & Robertson. ISBN 0-207-15460-0.