Calytrix leschenaultii

Calytrix leschenaultii
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Myrtales
Pamilia:	Myrtaceae
Henero:	Calytrix
Sebbangan:	C. leschenaultii
Dua a nagan
Calytrix leschenaultii (Schauer) Benth.[1]
Kapada a nagan
Calycothrix leschenaultii Schauer

Ti Calytrix leschenaultii ket ti sebbangan ti agsabsabong a mula iti pamilia ti Myrtaceae nga endemiko iti abagatan-laud ti Akinlaud nga Australia. Kadawyan nga agtubo ti bassit a mula iti katayag iti 15–100 cm (5.9–39.4 in).[2]

Deskripsion

Iti ruar ti panawen ti panagsabong, daytoy a mula ket naranas laeng. Nabanglo bassit, bassit nga arinduyog a bulbulong ket mailinia kadagiti agbalikuskos a busel iti maysa nga agsinnublat nga urnos, iti isu met laeng a waya a kas dagiti adu a dadduma a pamilia ti mirtus.[3]

Napintas ti mula iti panawen ti panagsabongna. Dagiti sukog bituen a sabong ket dagiti naraniag a purpura nga agraman kadagiti puraw wenno duyaw nga estambre (kumusnaw a nalabbasit), ken agparang iti pagbaetan ti Hunio ken Nobiembre iti patneng a sakup ti sebbangan.[2][4] Mabalin pay a mabirukan dagiti mula nga agpataud kadagiti puraw, asul wenno derosas a sabong[5] . Ti nagan a botaniko iti Calytrix ket mangibaga kadagiti napino a dutdot iti calyx dagiti sabong.[3] Mapolinar dagiti mula babaen dagiti billit ken dagiti insekto.[5]

Taksonomia

Daytoy ket immuna a pormal nga impalawag babaen ni Johannes Conrad Schauer idi 1844 iti Plantae Preissianae. Ninagananna daytoy iti Calycothrix leschenaultii. Idi 1867 inyakar ni George Bentham ti sebbangan iti henero ti Calytrix.[1]

Pannakaiwarwaras ken habitat

Mabirukan ti Calytrix leschenaultii iti abagatan a laud ti Australia, agarup nga iti linia manipud iti Kalbarri aginggana iti Luek Israelite. Daytoy ket agayat ti nawaya a lokasion, iti nadarat a pagtubuan ti babassit a mula.[5]

Panangimuyong

Uray no karkarna maimuyongan, ti Calytrix leschenaultii ket nasayaat a makaibtur kadagiti nakaro a klima ti Australia. No maikkan iti nainit a lugar iti nadarat a daga, daytoy ket makaibtur iti tingkag ken nayelo a linnaaw. Daytoy ket nasaysayaat a mapatubo manipud iti ungel ngem iti bukel.[3]

Dagiti nagibasaran

1. "Calytrix leschenaultii". Australian Plant Name Index (APNI), IBIS database. Centre for Plant Biodiversity Research, Australian Government, Canberra. Naala idi 2010-03-09.^[permanente a natay a silpo]
2. "Calytrix leschenaultii". FloraBase. Western Australian Government Department of Parks and Wildlife.
3. Johnson, Laura (2012). "Growing Native Plants: Calytrix leschenaultii". Australian National Herbarium. Naala idi 15 Nobiembre 2019.
4. "Calytrix leschenaultii". Australian Native Plants Society (ANPSA). Naiyarkibo manipud iti kasisigud idi 2009-12-05. Naala idi 2010-03-09.
5. Archer, William (18 Hunio 2011). "Esperance Wildflowers: Flora observations within 160 km (100 miles) of Esperance, Western Australia". Naala idi 15 Nobiembre 2019.