Len Allchurch

Len Allchurch
Ganwyd	12 Medi 1933  Abertawe
Bu farw	16 Tachwedd 2016  Abertawe
Dinasyddiaeth	y Deyrnas Unedig
Galwedigaeth	pêl-droediwr
Chwaraeon
Tîm/au	Sheffield United F.C., C.P.D. Dinas Abertawe, Stockport County F.C., C.P.D. Dinas Abertawe, Tîm pêl-droed cenedlaethol Cymru
Safle	hanerwr asgell
Gwlad chwaraeon	Cymru

Len Allchurch

Gwybodaeth Bersonol
Taldra	5 tr 8 mod (1.73 m)
Safle	Asgellwr
Gyrfa Lawn*
Blwyddyn	Tîm	Ymdd^†	(Gôl)^†
1950–1961	Abertawe	276	(49)
1961–1965	Sheffield United	123	(32)
1965–1969	Stockport County	131	(16)
1969–1971	Abertawe	71	(11)
Cyfanswm		604	(108)
Tîm Cenedlaethol
1955–1963	Cymru	11	(0)
* Cyfrifir yn unig: ymddangosiadau i Glybiau fel oedolyn a goliau domestg a sgoriwyd.. † Ymddangosiadau (Goliau).

Cyn bêl-droediwr proffesiynol Cymreig oedd Leonard "Len" Allchurch (12 Medi 1933 – 16 Tachwedd 2016). Chwaraeodd yn y Gynghrair Bêl-Droed am bron i ugain mlynedd, yn chwarae ar y brig gyda Sheffield United a threuliodd gyfnodau hir gyda Dinas Abertawe a Stockport County. Fe'i ganwyd yn Abertawe yn frawd i'r pêl-droediwr Ivor Allchurch a chwaraeodd i Gymru yn rhyngwladol. Roedd yn nodedig am beidio derbyn unrhyw rybudd neu gerdyn drwy gydol ei holl yrfa yn y Gynghrair pêl-Droed.[1]

Gyrfa clwb

Cychwynnodd ei yrfa gyda Dinas Abertawe ac ar ôl llofnodi termau proffesiynol yn Hydref 1950, gwnaeth ei ymddangosiad cyntaf yn 17 oed.[2] Ar ôl cwblhau ei wasanaeth cenedlaethol, daeth yn chwaraewr tîm cyntaf rheolaidd ar gyfer y clwb, gan ymddangos yn rownd derfynol Cwpan Cymru 1956 a 1957.^[angen ffynhonnell]

Pan oedd rheolwr Sheffield United, John Harris, yn edrych i aildanio eu hymgyrch simsan ar gyfer dyrchafiad, cynigiodd £12,000 ar gyfer Allchurch ond gwrthodwyd y cynnig.[1] Yn y pendraw cytunwyd ar bris o £18000 ym Mawrth 1961.[1] Cafodd Allchurch effaith ar unwaith, gan sgorio ar ei ymddangosiad cyntaf ac ychwanegodd pum gôl pellach yn saith gêm olaf y tymor, gan helpu ei glwb i ennill dyrchafiad. Arhosodd yn rhan bwysig o dîm cyntaf United am y tair blynedd ddilynol gan wneud dros 140 o ymddangosiadau i gyd gan sgorio 37 o gôl.[1]

Ym Mawrth 1965, symudodd i dîm Stockport County yn Adran Pedwar, am £10,000, gan ddod y chwaraewr mwyaf drud i'w arwyddo yn hanes y clwb. Gwnaeth ei ymddangosiad cyntaf i'r clwb ar 6 Medi 1965 gan guro Tranmere Rovers o 2–1 a helpodd y clwb ennill dyrchafiad i'r Drydedd Adran yn ei ail flwyddyn yn Edgeley Parc. Ar ôl ennill gwobr chwaraewr y flwyddyn y clwb yn ei dymor olaf, dychwelodd i glwb Dinas Abertawe lle gorffennodd ei yrfa broffesiynol.[3]

Gyrfa ryngwladol

Ymunodd Allchurch a'i frawd Ivor yn nhîm cenedlaethol Cymru am y tro cyntaf yn Ebrill 1955 yn erbyn Iwerddon.[4] Enillodd 11 cap dros ei wlad.

Wedi pêl-droed

Ar ôl ymddeol aeth Allchurch i redeg gwesty yn Abertawe cyn rhedeg busnes nwyddau lledr.[1] Bu farw yn 83 oed ar 16 Tachwedd 2016.[5]

Cyfeiriadau

1. Denis Clarebrough & Andrew Kirkham (2008). Sheffield United Who's Who. Hallamshire Press. t. 32. ISBN 978-1-874718-69-7.
2.  Past players. Swansea City A.F.C.. Adalwyd ar 15 Mai 2010.
3.  Len Allchurch. Stockport County F.C. (27 Mehefin 2008). Adalwyd ar 15 Mai 2010.
4. Soccer Who's Who compiled by Maurice Golesworthy The Sportsmans Book Club London 1965
5.  Swansea City legend and former Wales international Len Allchurch dies aged 83. WalesOnline (16 Tachwedd 2016). Adalwyd ar 16 Tachwedd 2016.