John Jones (AS Sir Gaerfyrddin)

Am bobl eraill o'r un enw, gweler John Jones (tudalen wahaniaethu).

John Jones
Ganwyd	11 Rhagfyr 1812  Llanymddyfri
Bu farw	28 Chwefror 1886
Dinasyddiaeth	Cymru
Galwedigaeth	banciwr, gwleidydd, bargyfreithiwr
Swydd	Aelod o 21ain Senedd y Deyrnas Unedig, Aelod o 20fed Senedd y Deyrnas Unedig
Plaid Wleidyddol	y Blaid Geidwadol

Roedd John Jones (11 Rhagfyr 1815 – 26 Chwefror 1886) yn wleidydd Ceidwadol o Gymru ac yn Aelod Seneddol Sir Gaerfyrddin[1]

Bywyd personol

John oedd mab ieuengaf John Jones, Blaenos, Llanymddyfri a Mary merch William Jones Ystrad Walter, Caerfyrddin. Roedd brawd John, David yn rhagflaenydd iddo fel Cynrychiolydd Ceidwadol Sir Gaerfyrddin.

Cafodd ei addysgu yn Ysgol yr Amwythig

Priododd ei gyfnither, Anne Thomas ferch David Thomas Wilfield, Sir Faesyfed.

Gyrfa

Cafodd ei alw i'r bar yn y Deml Ganol ym 1839 ond ni fu'n ymarfer fel bargyfreithiwr. Gwasanaethodd fel Is Raglaw Sir Gaerfyrddin ac Uchel Siryf y Sir ym 1854

Sefydlodd ei daid, David Jones, banc yn Llanymddyfri ym 1799, ac ar ei farwolaeth ym 1839 trosglwyddwyd y busnes i John a'i frodyr hyn David a William. Ehangodd y brodyr y banc o dan yr enw David Jones a'i Gwmni.

Gyrfa wleidyddol

Gwasanaethodd fel Aelod Seneddol Ceidwadol Sir Gaerfyrddin o 1868 hyd 1880 pan gollodd y Ceidwadwyr un o ddwy sedd yr etholaeth i'r Rhyddfrydwr Walter Rice Howell Powell[2]

Marwolaeth

Bu farw yn sydyn wrth gerdded y caeau ger ei gartref yn 73 mlwydd oed [3]

Cyfeiriadau

1. Debrett's House of Commons 1870
2. Williams, William Retlaw The parliamentary history of the principality of Wales, from the earlies times to the present day, 1541-1895
3. "SUDDEN DEATH OF MR JONES OF BLAENOS LLANDOVERY - The Tenby Observer Weekly List of Visitors and Directory". Richard Mason. 1886-03-04. Cyrchwyd 2016-10-31.

Senedd y Deyrnas Unedig
Rhagflaenydd: David Jones	Aelod Seneddol Sir Gaerfyrddin 1868 – 1880	Olynydd: Walter Rice Howell Powell