Guy Debord

Guy Debord
Ganwyd	Guy-Ernest Debord  28 Rhagfyr 1931  Paris
Bu farw	30 Tachwedd 1994  o anaf balistig  Bellevue-la-Montagne
Dinasyddiaeth	Ffrainc
Alma mater	Prifysgol Paris Lycée Carnot
Galwedigaeth	gwneuthurwr ffilm, athronydd, cyfarwyddwr ffilm, dylunydd graffig, sgriptiwr, awdur ysgrifau, llenor, hunangofiannydd, cyfieithydd, ymgyrchydd heddwch, cynllunydd gems, artist
Mudiad	Internationale situationniste, Letterist International
Priod	Alice Becker-Ho
llofnod

Athronydd Marcsaidd a gwneuthurwr ffilmiau o Ffrainc oedd Guy Debord (28 Rhagfyr 1931 – 30 Tachwedd 1994).[1]

Ganed ym Mharis, ac yn ei ieuenctid daeth yn gyfeillgar ag artistiaid a deallusion adain-chwith y ddinas. Cynhyrchodd ei ffilm gyntaf, Hurlements en faveur de Sade, yn 1952.

Gweithiodd gyda Isidor Isou a Maurice Lamaitre, aelodau'r cymundod artistig L'Internationale lettriste, i wneud celf arbrofol a elwir "gwrth-gelf" a chanddi ei gwreiddiau ym mudiadau Dada a Swrealaeth.

Ysgrifennodd nifer o erthyglau a golygodd sawl rhifyn o gylchgawn L'Internationale Situationniste. Cyhoeddodd ei gampwaith, La société du spectacle, yn 1967.

Tynnodd ar syniadaeth yr avant-garde ac astudiaethau pensaernïaeth, y sinema, a chynllunio tref yn ogystal â damcaniaeth Marx yn ei ymdriniaeth o'r "sbectacl" fel amlygiad o ymddieithriad a thrin profiad y ddynolryw yn gynwydd. Cyhoeddodd ddilyniant i'r gwaith hwnnw, Commentaires sur la société du spectacle, yn 1988.

Bu farw trwy hunanladdiad yn 62 oed.

Gweler hefyd

• Internationale situationniste

Cyfeiriadau

1. (Saesneg) Sadie Plant, "Obituary: Guy Debord^[dolen farw]", The Independent (2 Ionawr 1995). Adalwyd ar 30 Ionawr 2020.

Darllen pellach

• Andrew Hussey, The Game of War: The Life and Death of Guy Debord (Llundain: Pimlico, 2002)