Gustave Eiffel

Gustave Eiffel
Ganwyd	Alexandre Gustave Bonickhausen dit Eiffel  15 Rhagfyr 1832  Dijon
Bu farw	27 Rhagfyr 1923  Paris
Man preswyl	rue Rabelais
Dinasyddiaeth	Ffrainc
Alma mater	École Centrale Paris Collège Sainte-Barbe
Galwedigaeth	peiriannydd sifil, pensaer, peiriannydd, military flight engineer
Swydd	arlywydd
Gwobr/au	Chevalier de la Légion d'Honneur, Officier de la Légion d'honneur, Langley Gold Medal, Fourneyron prize
llofnod

Peiriannydd sifil a phensaer Ffrengig oedd Alexandre-Gustave Eiffel (15 Rhagfyr 1832 – 28 Rhagfyr 1923) sydd yn nodedig am ddylunio Tŵr Eiffel a saif ym Mharis.

Ganed yn Dijon, Teyrnas Ffrainc, a derbyniodd ei radd o'r École Centrale des Arts et Manufactures ym 1855. Bu'n arbenigo mewn strwythurau metal, yn enwedig pontydd. Dan ei arweiniad, codwyd pont haearn yn Bordeaux ym 1858, a fe ddyluniodd y Galerie des machines, pafiliwn haearn, dur a gwydr, ar gyfer Arddangosfa Paris ym 1867. Dyluniodd hefyd gromen symudol Arsyllfa Nice a fframwaith Cerflun Rhyddid.

Dyluniodd Eiffel y tŵr haearn gyr sy'n dwyn ei enw ar gyfer yr Exposition Universelle, ffair y byd ym Mharis ym 1889. O 1889 i 1930, Tŵr Eiffel oedd y strwythur wneuthuredig uchaf yn y byd.

Adeiladodd Eiffel labordy ar gyfer arbrofion erodynameg ar gyrion Paris a gweithiodd yno yn ystod y Rhyfel Byd Cyntaf. Rhoes y labordy i lywodraeth Ffrainc ym 1921. Bu farw ym Mharis yn 91 oed.[1]

Cyfeiriadau

1. (Saesneg) Gustave Eiffel. Encyclopædia Britannica. Adalwyd ar 18 Mehefin 2020.